खोज

बुटवल, ३ साउन । बुटवल टाईगर्स राउन्ड टेवल २८ ले देवदहमा रहेको सत्यसाई विद्यापिठमा २ वटा नयाँ कक्षाकोठा निर्माण गरी हस्तान्तरण गरेको छ । विद्यापिठमा कक्षा कोठा अभावमा रहेकोले राउन्ड टेवलको सहयोगमा दुई वटा कक्षा कोठा निर्माण गरि हस्तान्तरण गरिएको हो ।

बुधबार एक कार्यक्रमको आयोजना गरी बुटवल टाईगर्स राउन्ड टेवल २८ का अध्यक्ष उमेश अमात्य, राउन्ट टेवल ईन्टरनेशनलका अध्यक्ष जयन्त अग्रवाल, राउन्ड टेवलका केन्द्रीय अध्यक्ष राहुल अग्रवालले साईबाबा चेरिटेवल ट्रष्टका अध्यक्ष खेमनारायण अधिकारी र साईबाबा विद्यापिठका अध्यक्ष रामचन्द्र पौडेल र प्रधानाध्यापक रामबरुण यादवलाई कक्षा कोठाको चापी प्रदान गरेका हुन । राउन्ट टेवल २८ का सदस्य स्व. अनिश ह्येजुको कोभिडको कारणले निधन भएकोमा उनको स्मृतिमा विद्यालय कक्षा कोठा निर्माण गरिएको अध्यक्ष उमेश अमात्यले जानकारी दिए ।

कार्यक्रममा एपीएसी रिजनल चियर लेडिज चेरिटेवल ईन्टरनेशनल आरती अग्रवाल, देवदह नगरपपालिका वडा नम्बर ६ का अध्यक्ष खेम बहादुर थापा लगायतले सहभागीतामा हस्तारण गरीएको थियो । विटी आरटी २८ ले राष्ट्रिय स्तरको कार्यक्रम बुटवलमा पहिलो पटक आयोजना गरेको गल्स ह्वील्स कार्यक्रमबाट उठेको रकम र राउन्ड टेवल नेपालको सहयोगमा उक्त कक्षा कोठा निर्माण गरिएको हो ।

आज भन्दा पहिला राउन्ट टेवलले उक्त विद्यापिठमा ३ वटा कक्षा कोठा निर्माण गरिसकेको थियो । कक्षा ५ अध्यायन अन्य विद्यालयमा जानुपर्ने अवस्था रहेको कारण सोही विद्यापिठमा नै अध्यायन गर्न पाउने गरी थप कक्षा कोठा निर्माण गरि प्रदान गरिएको प्रोजेक्ट कन्भेनर आनन्द ओझाले जानकारी दिए । कक्षा कोठा हस्तान्तरण कार्यक्रममा विद्यापिठ परिषरमा १०० वटा विरुवा समेत वृक्षरोपण गरिएको सचिव प्रदिप शाक्यले जानकारी दिए ।