खोज

बुटवल, २१ असार  स्कलर्स होम बोर्डिङ स्कुलको आयोजनामा रुपन्देहीमा प्रथम एसइई कप फुटसल प्रतियोगिता २०८० हुने भएको छ । एसईई परिक्षा दिएर बसेका विद्यार्थीहरुको खेल प्रतिभा प्रस्फुटनको उदेश्यका साथ असार २२ गते प्रतियोगिता आयोजना गर्न लागेको विद्यालयका प्राचार्य बाबुराम बन्जाडेले बताए ।

लुम्बिनी फुटसल एरिनामा असार २२ गते हुने प्रतियोगिताको सबै तयारी पुरा भएको उनले बताए । प्रतियोगितामा उपाधि विजेता टिमले नगद १० हजार, कप, मेडल, प्रमाणपत्र तथा उपविजेता टिमलाई नगद ५ हजार, कप, मेडल, प्रमाणपत्रबाट पुरस्कृत गरिने उनले बताए । यसैगरि सर्वोत्कृष्ट खेलाडी, उत्कृष्ट किपर, हाई स्कोररलाई समेत पुरस्कृत गरिने छ ।

विहिबारसम्म प्रतियोगितामा १६ टिमले दर्ता गराएको खेल संयोजक लोकप्रसाद भण्डारी (राजु) ले बताए । एसइईको प्रवेशपत्र अनिवार्य गरिएको प्रतियोगितामा टिम दर्ता निशुल्क रहेको उनले बताए । स्कलर्स होम एकेडेमीबाट फुटबल शुुरु गरेर राष्ट्रिय टिमबाट साग प्रतियोगितामा स्वर्ण पदक विजेता खेलाडीहरु नितेन थापा र रेजिन सुब्बा रहेका छन । यसैगरि अन्य उमेर समुहका दर्जन बढि खेलाडीहरु छन । नेपालका राष्ट्रिय महिला टिमका प्रशिक्षक याम गुरुङबाट प्रशिक्षण दिदै आएका छन ।