खोज

गुल्मी, १८ असार   योजना सम्पन्न भएपछि कार्यालयको तर्फबाट दिएको योजना हस्तान्तरणको पत्र बुझेपछि उपभोक्ता समितिका अध्यक्ष निकै भावुक देखिएका थिए । स्थानीय उपभोक्ता समितिको अध्यक्ष भएको नाताले उनले सबैलाई धन्यबाद दिन थाले । उनी बोली रहँदा एक्कासी भक्कानीय । यसै क्रममा उनका आँखाबाट आँसुका ढिक्काहरु झर्न थाले ।

उनी भन्दै थिए ‘यो आँसु मेरो खुसिको आँसु हो । धेरै समयपछि यसरी आँशु झरेका हुन,’ मन थाम्न सकिन कहिलेकाँही मन धेरै खुसी हुँदा पनि यसरी आँसु झर्दा रहेछन,’ उनले भने । यी भनाई भन्ने र खुसिका आँसु बगाउने व्यक्ति मालिका गाउँपालिका ६ अन्र्तगत भैसे रुम्टा सिँंचाई योजना अन्र्तगत स्थानीय जल उपभोक्ता समितिका अध्यक्ष देबीराम गौतम हुन । स्थानीयहरुको भावना अनुसार तोकिएको समयमा योजनाको निर्माण कार्य सम्पन्न भएको र धेरै समयसम्म बाँझिएका खेतहरुमा कुलोबाट सललल पानी बग्न थालेपछि गौतम जस्तै धेरैको आँखा त्यतिबेला खुसीले रसाएका थिए ।

मालिका गाउँपालिकामा सिँचाई सुबिधा पुगेपछि स्थानीय कृषकहरु यतिबेला निकै खुसी छन । सिँचाईको अभावमा त्यस क्षेत्रका कृषकहरु वर्षौंदेखि आकाशे पानीको भरमा खेतमा सिंचित गर्दै आएका थिए । सिंचाई सुविधाको माध्यमबाट खेतखेतमा पानी पुगेपछि बर्षौंदेखि बाँझिएका खेतहरुमा यतिबेला किसानलाई रोपाई गर्न भ्याई नभ्याई बनेको छ । जलश्रोत तथा सिँचाई विकास डिभिजन कार्यालय गुल्मीको सहयोगमा मालिका गाउँपालिका ६ अन्र्तगत भैसे रुम्टामा सिँंचाई योजना निर्माणको काम सम्पन्न भएपछि त्यहाँका उपभोक्ताहरुको सपना पनि पुरा भएको छ । सिँचाईको लागि अति आवश्यकता रहेको उक्त ठाउँका स्थानीयहरुको माग बमोजिम गत तीन वर्षअघि उक्त योजना शुरु भएको थियो । उक्त योजना दुई करोड ३० लाख लागतमा सम्पन्न भएको हो ।

योजना निर्माणको जिम्मा पाएको अन्जना श्रेष्ठ जेभी र जल उपभोक्ता समितिले तोकिएको समय भित्रै निर्माण कार्य सम्पन्न गरेको जलश्रोत तथा सिँचाई विकास डिभिजन कार्यालय गुल्मीका प्रमुख भरत प्रसाद सापकोटाले बताए । स्थानीय अर्जै खोलावाट पानीको श्रोत ब्यवस्थापन गरि निर्माण गरिएको नहरको कुल लम्बाई तीन हजार ६ सय ५० मिटर रहेको ईन्जीनियर बालकृष्ण बुढाथोकीले बताए ।

उक्त सिँचाई योजनाबाट त्यस क्षेत्रका ६० घरधुरी प्रत्यक्ष लाभान्वित बनेका छन । सिँचाई योजना निर्माणसँगै त्यस क्षेत्रको ६० हेक्टर क्षेत्रफलमा सिँचाइ पुगेको छ । योजनाको निर्माण सम्पन्न भएपछि जलश्रोत तथा सिँचाई विकास डिभिजन कार्यालयको तर्फवाट कार्यालय प्रमुख भरत प्रसाद सापकोटाले स्थानीयहरुलाई योजना हस्तान्तरण गरेका छन । योजना हस्तान्तरण गर्दै उनले सम्पन्न योजनाको दिगो व्यवस्थापन गर्न ठूलो चुनौती रहेको भन्दै स्थानीय समुदायले नै यसको संरक्षण र संवद्र्धनमा ध्यान दिनुपर्ने बताएका छन । पानीका अभावमा खेत बाँझै राखेर धान रोप्न नपाएका त्यस क्षेत्रका कृषकहरु उक्त सिँचाई योजनाले आफूहरुलाई ठूलो राहत दिएको भन्दै खुसी व्यक्त गरे ।