खोज

बुटवल, १७ साउन  बुटवलमा जारी लुम्बिनी प्रदेश अन्तर माबि भलिबल प्रतियोगिताको छात्रतर्फ उपाधिका लागि न्यु होराईजन बोर्डिङ स्कुल र मणिमुकुन्द कलेज तथा छात्रातर्फ न्यु होराइजन बोर्डिङ स्कुल र एभरेष्ट बोर्डिङ स्कुल भिड्ने भएका छन । मदन भण्डारी स्पोर्ट्स एकेडेमी केन्द्रीय भलिबल विभागको आयोजनामा रामनगरस्थित कालिका मानव ज्ञान माबिको खेलमैदानमा छात्रतर्फ आईतबार भएको सेमीफाईनल खेलमा न्यु होराईजन बार्डिङ स्कुलले सिद्धार्थ बोर्डिङ स्कुल तथा मणिमुकुन्द कलेजले सेन जोसेफलाई पराजित गर्दै फाईनल भिडन्त पक्का गरेको हुन । प्रतियोगितामा सेन जोसेफ तेस्रो स्थान हासिल गरेको छ । आईतबार भएको खेलमा सेन जोसेफले सिद्धार्थ बोर्डिङ स्कुललाई ३–१ को सेटमा पराजित गर्दै तेस्रो स्थान हासिल गरेको हो ।
यसैगरि छात्रातर्फ सेमीफाईनल खेलमा न्यु होराइजनले कुवरवर्ति ईगलिस बोर्डिङ स्कुललाई ३–० र एभरेष्टले सिद्धार्थलाई ३–० सेटमा पराजित गर्दै फाईनल भिडन्त पक्का गरेको हुन । छात्रातर्फ कुवरवर्ती माबि तेस्रो भयो । सिद्घार्थलाई ३–० ले पराजित गर्दै कुवरवर्ति तेस्रो स्थान हासिल गरेको हो । फाईनल खेल सोमबार हुने भएको छ । बुधबारदेखी बुटवलमा शुरु भएको खेल वर्षाका कारण एक दिन पछि धकेलिएको हो । प्रतियोगितामा छात्रतर्फ १२ र छात्रातर्फ ७ टिमले भाग लिएका छन ।