खोज

नवलपुर, १७ असार ।

शुुक्रबार साँझ देखि परेको अविरल वर्षाका कारण पुर्वी नवलपरासीको पहाडी क्षेत्र जोड्ने दलदले धौवादी, बुलिङटार, गैडाकोट, पाल्पा–रामपुुर जोड्ने कालीगण्डकी करिडोर सडक अवरुद्ध भएको छ ।

जिल्लाको पहाडी बुलिङटार र बौदिकाली गाउँपालिका हुँदै पाल्पा रामपुर, स्याङ्जा सम्म चल्ने दुई वटै सडक अवरुद्ध भएपछि सदरमुुकामसंगको यातायात सम्बन्ध बिच्छेद भएको बुलिङटार गाउँपालिकाका लोकप्रसाद रामदामले बताए ।

पहाडी क्षेत्रमा यातायात अवरुद्ध हुुन पुुगेपछि त्यस क्षेत्रमा खाद्यान्न, औषधीलगायतका अत्यावश्क सामवग्रीको अभाव हुने बुुलिङटार २ का प्रेमबहादुुर थापा मगरले बताए ।

गैडाकोेट हुँदै कोटथर, डाडाँझेरी, बुलिङटार, अर्खला, भारतीपुर, मिथुकरम, डेढगाउँ, रकुवा, रुचाङं, नरम, जौबारी, धौवादी हुँदै पाल्पा, स्याङ्जा सम्म चल्ने दुई वटा सडक पहिरोले अवरुद्ध बनाएपछि बाटो सुचारु हुुन समय लाग्ने बुलिङटार गाउँपालिकाका कुुलबहादुुर कुुमालले जानकारी दिए ।

दलदले धौवादी सडक खण्डको बिस्तार गर्ने जिम्मेवारी पाएको ठेकेदार कम्पनी बेखबर भएपछि बिगत तीन महिनादेखि सो बाटो मर्मत हुन नसकेको र पटक पटक मर्मतका लागि अनुरोध गरे पनि सो कम्पनीले बेवास्ता गरेको स्थानीयले बताए ।

दलदले धौवादी सडक खण्डको कुमसोत पाँग्रे खण्डमा दर्जनौ ठाउँमा पहिरो जाँदा अवरुद्ध बनेको सो बाटो मर्मतका लागि समय लाग्ने र पानी नरोकिए सम्म मर्मतको काम थाल्न नसकिने देवचुुलीका रामबहादुुुर मगरले बताए । वर्षायाममा पहाडी क्षेत्रका जनताले सधै दुख खेप्नु परिरहेको कोटथरका रविन्द्र कुुमार श्रेष्ठले दुुखेसो समेत पोखेका छन् ।

उता गैंडाकोट कालीगण्डकी मोटरबाटोमा समेत दर्जनौ बढी ठाउँमा पहिरो जाँदा यातायात बन्द भएको छ । पहाडी क्षेत्रलाई जोड्ने दुवै सडक अवरुद्ध भएपछि त्यस भेगमा खाद्यान्न, औषधीको अभाव हुन सक्ने बौदिकाली गाउँपालिकाका समाजसेवी पुुरुषोत्तम पाण्डेले बताए ।

दैनिक दुुई सय बढीको संख्यामा सवारी साधन गुड्ने ती दुवै सडक बन्द हुँदा पहाडी क्षेत्रका जनताले ठुलो सास्ती ब्यहोर्नु पर्ने अवस्था आएको समाजसेवी पाण्डेको गुनासो रहेको छ ।