खोज

बुटवल, १६ असार   तेस्रो रुपन्देही कप खुला सेभेन ए साईड फुटबल प्रतियोगिता शुरु भएको छ । फुलबारी गाईज बुटवलको आयोजना तथा रानीगंजा युवा क्लबको सह आयोजनामा रानीगंजा खेलमैदानमा प्रतियोगिता शुरु भएको हो । शनिबार भएको उद्घाटन खेलमा आयोजक फुलबारी गाइज (निलो) विजयी भएको छ । फुलबारीले जनज्योती एफसी, डिङ्गनगरलाई १–० गोलले पराजित गरेको हो । फुलबारीको जितमा अबेश शाहीले एकमात्र गोल गरे । खेलमा फुलबारीका सुबश परियार म्यान अफ द म्याचबाट पुरस्कृत भए ।
यसैगरि शनिबार नै भएको दोस्रो खेलमा न्यु इरा युथ कल्ब बनकट्टा विजयी भएको छ । न्यु इराले हरिहरपुर एफसीलाई १–० गोलले पराजित गरेका हो । न्यु इराको जितमा सुमित चौधरीले गोल गरे । खेलमा सिजन दगामी म्यान अफ द म्याचबाट पुरस्कृत भए ।
कार्यक्रमको एक समारोहका बिच शसस्त्र प्रहरी बलका प्रहरी नायव निरीक्षक जगदिस चौधरीले उद्घाटन गरे । बुटवल उपमहानगरपालिका वडा न. ५ सदस्य श्याम थापा मगर, समाजसेबी खेम जि.सि., भु.पु.सैनिक जनकल्याण संगठनका ज्ञान ब. गुरुङ, ब्यवसायी रमेस रेश्मी मगरले प्रमुख रेफ्रीलाई बल हस्तान्तरण गरि खेल शुभारमभ गरेका थिए ।
प्रतियोगितामा विजेता टिमलाई नगद ५० हजार रुपैया, कप, मेडल, प्रमाणपत्र तथा उपविजेता टिमलाई नगद २५ हजार रुपैया, कप, मेडल, प्रमाणपत्रबाट पुरस्कृत गरिने महासचिव तेजु राना मगरले बताए ।
कार्यबाहक अध्यक्ष अर्जुन गुरुङले खेल र युवा एक अर्काको परिपुरक भएको बताए । युवाहरुलाई एकतावद्ध गर्दै खेलमार्फत समाज रुपान्तरणमा लाग्ने प्रेरणा दिने उदेश्यका साथ संस्थाबाट स्थापनाकालदेखी नै रचनात्मक कामहरु गर्दै आएको उनले बताए ।
असार २८ गतेसम्म संचालन हुने प्रतियोगितामा ३१ टिमले भाग लिएको खेल सम्योजक यम ब. सिङ्जाली मगरले बताए । आईतबार ३ खेल हुने छन । पहिलो खेल सिद्धार्थ एफसी खैरनी र राना ब्रदर्श, दोस्रो खेल दोभान एफसी र सेभेन स्टार एफसी र तेस्रो खेल आहाना एफसी र मायादेवी एफसी बिच हुने उनले बताए ।