खोज

पाल्पा, १५ असार ।

पुष्पलाल स्मृति राष्ट्रिय पत्रकारिता पुरस्कारबाट नेपाल कम्युनिष्ट पाटीका संस्थापक महासचिव पुष्पलाल सहकर्मी कमल कोइराला पुरस्कृत भएका छन् । तानसेन नगरपालिका पाल्पाले स्थापना गरेको पुष्पलाल स्मृती पत्रकारिता पुरस्कार २०७८ बाट नेपाल कम्युनिष्ट पाटीका संस्थापक महाचिव पुष्पलालका सहकर्मी कोइराला पुरस्कृत भएका हुन् । लुम्विनी प्रदेशका प्रदेश प्रमुख अमिक शेरचनले कोइरालालाई पुरस्कृत गरेका हुन् । प्रदेश प्रमुख शेरचनले १ लाख ११ हजार १ सय ११ रुपैया नगद सहित दोषल्ला र सम्मानपत्रबाट सम्मानित गरेका हुन् ।

प्रदेश प्रमुख शेरचनले यस्ता ऐतिहासिक व्यक्ति, धरोहरहरुलाई सम्मानित गर्न पुरस्कार स्थापना गरेकोमा प्रतिष्ठानलाई धन्यवाद दिए । लोकतन्त्र, प्रजातन्त्र स्थापनाको लागि महत्वपुर्ण भुमिका खेलेका व्यक्तिहरुलाई नया पुस्तामा चिनाउन, उनीहरुको योगदानलाई स्मरण गर्न यस्ता पुरस्कारहरुले महत्वपुर्ण योगदान खेलेको प्रदेश प्रमुख शेरचनले बताए । प्रदेश प्रमुख शेरचन र पुरस्कृत व्यक्ति कोइराला पुष्पलालका सहयात्री हुन् ।

पुस्स्कृत व्यक्ति कोइरालाले आफुले केही पाउने भन्दा देशमा लोकतन्त्र, प्रजातन्त्र स्थापनामा आफु क्रियाशिल रहेको बताए । पुष्पलालको विचारबाट प्रभावित भई कम्युनिष्ट पार्टीको राजनीतिमा सत्रिय रहेको र उनै पुष्पलाल स्मृतीको नामबाट पुरस्कृत हुन पाउँदा खुसी लागेको कोइरालाले बताए ।

कार्यक्रममा जिल्ला समन्वय समितिका प्रमुख टंकनाथ खनालले तानसेन नगरपालिकाले जस्तै अन्य पालिकाहरुले पनि राष्ट्रिय व्यक्तिहरुलाई सम्मनित गर्ने गरी कार्यक्रम ल्याउन अनुरोध गरे । तानसेन नगरपालिकाका कार्यवाहक नगर प्रमुख प्रतिक्षा गाहा सिंजालीले नेपालको प्रजातान्त्रिक आन्दोलनका धरोहरका व्यक्तिहरुको नाममा प्रतिष्ठान गठन गरी प्रजातान्त्रिक आन्दोलनमा महत्वपूर्ण भूमिका खेलेको व्यक्तिहरु लाई संझिने गरी पुरस्कार स्थापना गरेको बताईन् । प्रतिष्ठानका संररक्षक निवर्तमान नगर प्रमुख अशोक कुमार शाहीले प्रजातान्त्रिक आन्दोलनका योद्धाहरुलाई नयाँ पुस्ताबीच चिनाउन र उनीहरुको योगदानको सम्मान गर्न विपी र पुष्पलाल स्मृती पत्रकारिता पुरस्कार स्थापना गरको बताए ।

कार्यक्रममा विश्व प्रेस काउन्सीलका महासचिव किशोर श्रेष्ठले दृष्टि साताहिकमा कोइरालाको नेतृत्वमा आफुले काम गरेको बताए । कार्यक्रममा पत्रकार महासंघ पाल्पाका अध्यक्ष रेखीराम राना, विपि स्मृती प्रतिष्ठानका अध्यक्ष डा. टंक प्रसाद पन्त, प्रतिष्ठानका सदस्यका गणेश ज्ञवालीले पुष्पलालको जिवनीबारे जानकारी दिए । प्रतिष्ठानले गत बर्ष पुष्पलालका सहकर्मी हिरण्यलाल श्रेष्ठलाई प्रदान गरेको थियो ।