खोज

कपिलवस्तु, १३ असार   बिद्यार्थीको सिर्जनशिलता पहिचान तथा नविनतम ज्ञान उजागर गर्ने उद्धेश्यका साथ कपिलवस्तुको तौलिहवामा नगरस्तरीय शैक्षिक प्रदर्शनीको आयोजना गरिएको छ । कपिलवस्तु नगरपालिकाको सहयोगमा कपिलवस्तु सुचना केन्द्रले प्रदर्शनीको आयोजना गरेको हो । बुद्धपदम माबिमा आयोजित शैक्षिक प्रदर्शनीमा नगरका ४ संस्थागत र १० सामुदायिक गरि १४ वटा माध्यमिक बिद्यालयका बिद्यार्थीले निर्माण गरेको शैक्षिक सामाग्री प्रदर्शन गरिएको छ । शैक्षिक प्रदर्शनीमा सनसाईन ईग्लिस बोर्डिङ्ग स्कुल तौलिहवा प्रथम, तिलौराकोट माबि गोबरी दोस्रो, सिद्धार्थ बिद्या मन्दिर तौलिहवा तेस्रो र शान्ति निकेतन ईगलिस बोर्डिङ्ग स्कुल तौलिहवाले सान्त्वना स्थान प्राप्त गरेका छन ।
बिभिन्न बिद्यालयका बिद्यार्थीले खेर गएका सामाग्रीको प्रयोग गरेर ईलेक्ट्रिक बिल्डिङ्ग, ईलेक्ट्रिक जिप, भाईब्रेसन सेन्सर, भ्याकुम क्लिनर, स्ट्रिट लाईट, सौर्यमण्डल, न्युक्लियर पावर प्लान्ट, ब्लुटुथबाट चार्ज हुने पावर ट्रन्समिटर, जेसिबी सहितका सामाग्री बनाएर प्रदर्शन गरेका छन । सैदान्तिक ज्ञानलाई प्रयोग गरेर तिन चार दिनको मेहनतमा बिद्यार्थीले ईलेक्ट्रोनिक अटो मिसन प्रोजेक्टको शैक्षिक सामाग्री निर्माण गरेको बुद्धपदम माबिका इन्सटक्टर रहेका ईलेक्ट्रोनिक ईन्जिनियर रमेश अधिकारीले बताए । नेपाल सरकारले सिफारिस गरेको पाठ्यक्रम अनुसार बिद्यार्थीले शैक्षिक सामाग्री निर्माण गरेको तिलौराकोट माबिका प्रधानाध्यापक संजय कुमार वर्माले बताए । आफ्नो बिद्यालयका बिद्यार्थीले बनाएको पावर ट्रन्समिटर प्रदर्शन गर्दै उनले ब्लुटुथ बाट करेन्ट प्रवाह हुने जानकारी दिए । कपिलवस्तु नगरपालिकाले प्रदर्शनी आयोजना गरेर बिद्यार्थीको क्षमता प्रदर्शनलाई सहयोग पुर्याएको बताउदै बर्षमा ३÷४ पटक शैक्षिक प्रदर्शनीको आयोजना गर्न प्रधानाध्यपक वर्माले सुझाव दिए । बिद्यार्थीको सिर्जनशिलतामा निखार ल्याउन प्रदर्शनी सहयोगी हुने शान्ति निकेतन ईग्लिस बोर्डिङ्ग स्कुलका प्राचार्य चर्तुभुज शर्माको बुझाई छ ।
बिद्यार्थीका नविनतम प्रतिभा उजागर गराउन र उनीहरुलाई सिर्जनशिल बनाउन शैक्षिक प्रदर्शनी आयोजना गरिएको आयोजक संस्था कपिलवस्तु सुचना केन्द्रका प्रतिनिधी प्रकाश घिमिरेले बताए । बिद्यार्थीको प्रतिभा पहिचानको उदेश्यले नगरका माध्यमिक तहका सामुदायिक र संस्थागत बिद्यालयलाई सरिक गराई शैक्षिक प्रदर्शनी गरिएको कपिलवस्तु नगरपालिकाका शिक्षा ईकाई प्रमुख उपसचिव हरि प्रसाद ज्ञवालीले जानकारी दिए । यसै बिच कपिलवस्तु नगरपालिकाको बार्षिक स्विकृत कार्यक्रम अन्र्तगत बिद्यार्थीको प्रतिभा पहिचान गर्न नगरभरीका आधारभुत बिद्यालय तहको चित्रकला प्रतियोगिता समेत आयोजना गरिएको थियो । प्रतियोगितामा माध्यमिक बिद्यालय कुश्मा प्रथम, सनराईज एकेडेमी तौलिहवा दोस्रो र राष्ट्रिय माबि बिकुली तेस्रो भएको नगरपालिकाका शिक्षा अधिकृत युवराज भुसालले बताए ।