खोज

बुटवल, १३ असार   होटल तथा रेष्टुरेन्ट ब्यवसायी संघ रुपन्देहीले २५ औ स्थापना दिवसको अवसरमा विविध कार्यक्रम गरि मनाएको छ। बुधबार रक्तदान कार्यक्रमसंग कार्यक्रमको शुभारम्भ गरेको हो । नेपाल रेडक्रस सोसाइटी, रक्तसंचार केन्द्र बुटवलको प्राविधिक सहयोगमा रक्तदान कार्यक्रम गरिएको संघका अध्यक्ष लेखनाथ भण्डारीले बताए । बुटवलमा रगतको अभाव देखिएको हुदा ब्यवसायीहरुलाई आव्हान गरि बृहत् रक्तदान कार्यक्रम गरिएको उनले बताए । योसंग स्थापना दिवसमा विहिबार बिहान सामरिक, ऐतिहासिक र पर्यटकिय स्थल जितगढी किल्ला सरसफाई कार्यक्रम राखिएको उनले बताए । पर्यटन र होटल ब्यवसाय एउटा सिक्काको दुई पाटा भएको भन्दै पर्यटन क्षेत्रको विकास र प्रचारप्रसारमा आफुहरु निरन्तरता लागेको बताए । यसैगरि स्थापना दिवसको मुल कार्यक्रम शुक्रबार एशियन पार्टी प्यालेसमा अशक्त र दिर्घरोगी व्यवसायीलाई सम्मान कार्यक्रम गरिने उनले बताए । यसैगरि सोही दिन साउन १५ गते दहि चिउरा खाने कार्यक्रम समेत राखिएको उनले बताए ।
एक कार्यक्रमका बुटवल उपमहानगरपालिका वडा नं ९ का वडाअध्यक्ष प्रदिप कुमार श्रेष्ठले ब्लड बैक हस्तान्तरण गरि उद्घाटन गर्दै रक्तदान अभियानलाई समुदायस्तरमा संचालन गर्नुपर्ने बताए । सबैलाई निशुल्क रगत अभियानलाई पूरा गर्न स्थानीय पालिका तयारीमा लागेको उनले बताए । रुपन्देहीको प्रादेशिक अस्पतालसहित हरेक स्वस्थ्य क्षेत्रमा उपचारमा आउने बिरामीहरुलाई रगत सहज बनाउन यहाका सामाजिक संघसंस्थाहरुको योगदान रहेको उनले बताए ।
कार्यक्रममा संघका निवर्तमान अध्यक्ष रामप्रसाद गौतम, पुर्वअध्यक्ष समुन्द्र जिसी, वरिष्ठ उपाध्यक्ष माधव कुमार खनाल, पर्यटन उपाध्यक्ष रोमाकान्त पाण्डे, महासचिव अर्जुन थापा, निवर्तमान उपाध्यक्ष बाबुराम गौतम, संघका कासस तथा रक्तदान कार्यक्रमका संयोजक बाबुराम अर्यालले ब्यवसायिक भुमिकाका साथ सामाजिक उत्तरदायित्वमा आफुहरु निरन्तर योगदान दिदै आएको बताए। हाल संघमा १ हजार २ सय ३ जना छन ।