© २०२३
२७ भाद्र २०८१, बिहीबार
२७ भाद्र २०८१, बिहीबार
बुटवल, ५ असार ।
नेपाल स्काउट लुम्बिनी प्रदेशले ७२ औं स्थापना दिवसको अवसरमा प्रदेश स्तरीय नृत्य प्रतियोगिता गरेको छ । नृत्य प्रतियोगितामा लुम्बिनी प्रदेशका बिभिन्न जिल्लाबाट २२ टिमको सहभागिता रहेको थियो । जसमा माउण्ड भ्याली टप प्रथम, प्रगती स्काउट टप दोस्रो, नविन स्काउट टप तेस्रो भएका छन् । रामपुर स्काउट सान्त्वना भएको छ । उत्कृष्ट प्रथम, द्वितीय र तृतीय स्थान हासिल गर्नेलाई नगदसहित मेडल, प्रमाण पत्र र मायांको चिनोबाट प्रदान गरिएको छ ।
कार्यक्रममा बोल्दै लुम्बिनी प्रदेशका सांसद तथा पूर्व मन्त्री भोजप्रसाद श्रेष्ठले नेपाल स्काउटले राष्ट्र निमार्णमा महत्वपूर्ण भुमिका खेलेको बताउँदै स्काउट क्षेत्रलाई फराकिलो बनाउनु पर्ने बताए । पछिल्लो समय स्काउटले शिक्षाको क्षेत्रमा खेलेको भुमिका महत्पूर्ण भएकाले स्काउटको क्षेत्रलाई फराकिलो बनाउन सरकारले सहयोग गर्नुपर्नेमा जोड दिए ।
नेपाल स्काउट लुम्बिनी प्रदेश संयोजक दिननाथ भट्टराईले नेपाल स्काउट लम्बिनी प्रदेशले बिगतदेखि नै सामाजिक क्षेत्रमा महत्वपूर्ण कार्यक्रम गदै आएको बताए । एक विद्यालय एक स्काउट, एक पालिका एक स्काउट अभियानलाई देशभर अगाडी बढाउन आवश्यक रहेको बताए । सुुखी नेपाली समृद्ध नेपाललाई साकार पार्न नेपाल स्काउट निरन्तर लागेको बताए । उनले कोभिड १९ को समयमा निरन्तर काम गर्ने स्काउटरहरुलाई कोभिड १९ पदक तथा बिभुषण बाट सम्मान गरिएको बताए । आगामी स्थापना दिवस मनाउँदा अत्यधिक विद्यालयहरुमा स्काउटको युनिटहरु बिस्तार गर्ने लक्ष्य लिएको बताए ।
कार्यक्रममा बुटबल उपमहानगरपालिका पूर्व नगर प्रमुख शिवराज सुवेदी, बुटवल उपमहानगरपालिकाका उप प्रमुख सावित्रा अर्याल, पूर्व उपप्रमुख गुमादेवी आचार्य, सिद्धार्थनगर नगरपालिका उपमेयर उमा अधिकारी, समाजसेवी राजेन्द्र ढकाललगायते बोल्दै स्काउटले सामाजिक क्षेत्रमा खेलेको भूमिका महत्वपूर्ण रहेको बताउंँदै आगमी दिनमा पनि रचनात्मक कार्यक्रम गर्न आग्रह गरे ।
कार्यक्रममा लुम्बिनी प्रदेशका १२ वटा जिल्लाका ८ सय भन्दा बढि स्काउटरको सहभागिता रहेको थियो ।
© २०२३
सर्वाधिकार सुरक्षित
Design & Developed By:
