© २०२३
८ मंसिर २०८१, शनिबार
८ मंसिर २०८१, शनिबार
तुलसीपुर, १ असार ।
दाङको तुलसीपुरबाट रोल्पा जाँदै गरेको जीप दुर्घटना हुंदा चालकको मृत्यु भएको छ । मृत्यु हुनेमा जीप चालक रोल्पा गंगादेव गाउँपालिका १ का विष्णु पुन रहेका छन् । शुक्रबार विहान राप्ती लोकमार्ग अन्तर्गत तुलसीपुर ३ सिरखोलामा जिप दुर्घटना भएको प्रहरीले जनाएको छ । दुर्घटनामा ८ जना घाइते भएका छन् । तुलसीपुरबाट रोल्पाको लागि छुटेको रा १ ज ५५६ नम्बरको जिप बिहान १० बजेर २० मिनेटमा सिरखोला नजिकै सडकबाट झन्डै ६० मिटर तल खसेर दुर्घटना भएको इलाका प्रहरी कार्यालय तुलसीपुरका प्रहरी निरीक्षक नवराज केसीले जानकारी दिए ।
जिपमा जम्मा ९ जना सवार रहेकोमा चालकको मृत्यु भएको प्रहरीले जनाएको छ । अन्य ८ जना घाइते मध्य ४ जनालाई नेपालगञ्ज रिफर गरिएको र ४ जनाको राप्ती प्रादेशिक अस्पताल तुलसीपुरमा उपचार भइरहेको प्रहरीले बताएको छ । घाइते हुनेमा ४ महिला र ४ पुरुष रहेको र त्यसमा १ नाबालक र १ नाबालिका समेत रहेको प्रहरीले जनाएको छ । घटनाको बारेमा थप विवरण आउन बाँकी रहेको छ ।
© २०२३
सर्वाधिकार सुरक्षित
Design & Developed By:
