© २०२३
२८ भाद्र २०८१, शुक्रबार
२८ भाद्र २०८१, शुक्रबार
बुटवल, २६ जेठ ।
नेपाली कथानक चलचित्र रोशनीको शनिबार बुटवलमा च्यारिटी शो आयोजना हुने भएको छ । शुक्रबार बुटवलमा फिल्मको स्याड गित जुनीजुनी सार्वजनिक तथा पत्रकार सम्मेलन गरी चलचित्रका निमार्णकर्ताहरुले बताएका हुन् ।
एक कार्यक्रमका बिच चलचित्रका गायक अनिल पहाडी, चलचित्र पत्रकार संघका उपाध्यक्ष दिनेश श्रेष्ठ, सल्लाहकार मनिष पन्त, बागेश्वरी संगितालयका सुनिल सेन्चुरी, लुम्बिनी कला केन्द्रका सौगात सायरले रोशनी फिल्मको स्याड गित जुनि जुनि विमोचन गरे । फिल्म जेठ २७ गते शनिबार च्यारिटी शो गर्न लागिएको फिल्मका कलाकार तथा लगानीकर्ता रमेश आरजु परियारले बताए ।
हाउगुजीका निर्माता सुदन गौतमको सहयोगमा फिल्मी क्षेत्रमा लागेको बताउँदै उनले मोफसलबाट निर्माण भएका चलचित्रलाई भेदभाव दृष्टिकोणबाट हेरिदै आएकोमा दुःखेसो गरे । जतिसुकै कथा र विषयवस्तु राम्रो भएपनि राजधानी केन्द्रित दृष्टिकोणका कारण आफुहरु ओझेलमा पर्ने गरेको बताए ।
चलचित्र शुरु गर्दादेखि नै कोभिड १९ संक्रमण र आर्थिक मन्दीकै कारण तयार हुन दुई वर्ष ढिलाई भएको उनले बताए । ‘धेरै मेहनत गरेर चलचित्र तयार गरेको छु’– उनले भने । नेपालमा धेरै रमणिय र पर्यटकीय स्थलहरुलाई समेटेर चलचित्रमा देखाईको उनले बताए । बुटवलको मिलन हलमा शनिबार दिउँसो फिल्मको विशेष शो प्रदर्शन गरिने उनले बताए । फिल्मका नायक नितन पलले पारिवारिक भूमिकामा रहेर खेलेको बताए ।
© २०२३
सर्वाधिकार सुरक्षित
Design & Developed By:
