© २०२३
२८ भाद्र २०८१, शुक्रबार
२८ भाद्र २०८१, शुक्रबार
बुटवल, २४ जेठ ।
झिमरुक गाउँपालिका प्यूठानमा कर्मचारीमाथि कार्यकक्षमै हातपात गरिएको छ । बुधवार गाउँपालिका अध्यक्ष पित बहादुर महतरा क्षेत्रीका छोरा मिलन एमसी सहितको टोलीले कर्मचारीलाई हातपात गरेका हुन् । प्रक्रिया नपुगेको योजनाको भूक्तानी लिन पुगेका उनीहरुले योजना शाखामा कार्यरत सहायक कर्मचारी दिपक जिसीमाथि हातपात गरेका हुन् ।
आफूमाथि हातपात भएपछि योजना शाखाका कर्मचारी प्रमुख प्रशासकीय अधिकृत सुवास रिजालको कार्यकक्षमा सुरक्षाका लागि पुगेका थिए । तर, एमसी नेतृत्वको यूवाले आफूलाई समेत आक्रमणको प्रयास गरेको प्रमुख प्रशासकीय अधिकृत रिजालले प्रतिक्रिया दिए ।
‘दिउँसै कार्यकक्षमा हातपात भएपछि ढुक्कसँग काम गर्ने वातावरण भएन’, रिजालले भने, ‘कर्मचारीमाथि अपशव्द प्रयोग गरेर जथाभावी बोलियो । यस्तो अवस्थामा कर्मचारीले कसरी काम गर्ने ?’ एमसी सहितका यूवाले कर्मचारीहरुलाई गाली बेइज्जती समेत गरेको प्रत्यक्षदर्शीका रुपमा रहेका अन्य कर्मचारीहरुले जानकारी दिए ।
वडा नम्वर ३ मा संचालन भएको पिपलारुख–पातल मैदान सडक योजनाको भूक्तानीका लागि यूवाहरु गाउँपालिका पुगेका थिए । उक्त योजनाको काम स्टिमेट अनुसार नभएपछि भूक्तानी रोकिएको कर्मचारीहरुले जानकारी दिए । एमसी अखिल क्रान्तिकारीका केन्द्रीय उपाध्यक्ष हुन् । यस विषयमा प्रतिक्रिया लिन खोज्दा एमसीको मोवाइल स्विच अफ छ । गाउँपालिका अध्यक्ष पित बहादुर महतरा क्षेत्रीले विहिवार यस विषयमा छलफल हुने प्रतिक्रिया दिए ।
© २०२३
सर्वाधिकार सुरक्षित
Design & Developed By:
