© २०२३
९ मंसिर २०८१, आईतवार
९ मंसिर २०८१, आईतवार
बुटवल, २३ जेठ
स्वर्गीय बुवा आमाको सम्झनामा मल्लरानी गाउँपालिका–४ खलंगा प्यूठान निवासी चन्द्र बहादुर शाह (हाल तुल्सीपुर–८ दाङ) ले मल्लरानीमा रहेको धार्मिकस्थल झाक्रीस्थान मन्दिर नजिकै प्रतीक्षालय निर्माण गरेका छन् । स्व.बुवा रण बहादुर शाह र आमा मन कुमारी शाहको स्मृतीमा दुई लाख ५० हजार रुपैयाँ लगानीमा ‘पिकनिक’ स्थल प्रयोजनका लागि प्रतिक्षालय निर्माण गरेका हुन् ।
शाहका बुवाको २०७३ सालमा ७५ बर्ष र आमाको २०७१ सालमा ६७ बर्षको उमेरमा निधन भएको थियो । आफ्नो घर नजिकै रहेको झाक्रिस्थान मन्दिरप्रति बुवा आमाको अगाध आस्था र विश्वास रहेकाले प्रतिक्षालय निर्माण गरेको शाहले सुनाए । प्रतिक्षालयसँगै झाँक्रीस्थान मन्दिर क्षेत्रमा अन्य सामाजिक कार्यहरु पनि गर्ने सोँचमा आफू रहेको उनले जानकारी गराए । झाँक्रीस्थान मन्दिरमा पुगेर दर्शन गरेमा मनोकांक्षा पुरा हुने जनविश्वास छ ।
यस मन्दिर क्षेत्रमा पुग्नका लागि पुल÷कल्भर्ट र हालको सडकलाई स्तरोन्नती गर्न सकेमा तीर्थालुहरुको चाँप अझ बढ्ने र सदरमुकाम खलंगाको चहलपहलमा थप टेवा पुग्ने शाहले सरकारलाई सुझाव दिए ।
© २०२३
सर्वाधिकार सुरक्षित
Design & Developed By:
