© २०२३
६ मंसिर २०८१, बिहीबार
६ मंसिर २०८१, बिहीबार
दाङ, ७ जेठ ।
दाङको शान्तिनगर –७ मा रहेको शिवशक्ति मावि धनौरीमा होस्टल बसेकी विद्यार्थी बलात्कार गरेको आरोप लागेका दाङका एक शिक्षक पक्राउ परेका छन् । शिक्षक खुमानन्द पौडेलले सोही विद्यालयमा कक्षा १० मा अध्ययनरत बालिकालाई ललाइ फकाई बलात्कार गरेको आरोप पीडित छात्रा र अभिभावकले लगाएका थिए ।
गत चैत २० गते बेलुकी विद्यालयकै होस्टेलमा बस्ने १० कक्षामा अध्ययनरत बालिकालाई बलात्कार गरेको आरोपमा जाहेरी दिएका थिए । बलात्कारपछि भागेर भारत पुगेका पौडेललाई काउन्टर पार्टसको सहयोगमा पक्राउ गरिएको जिल्ला प्रहरी कार्यालय दाङका प्रहरी नायब उपरीक्षक राजनकुमार गौतमले जानकारी दिए । पौडेललाई इलाका प्रहरी कार्यालय तुलसीपुरमा हिरासतमा राखेर अनुसन्धान थालेको प्रहरीले जनाएको छ ।
© २०२३
सर्वाधिकार सुरक्षित
Design & Developed By:
