© २०२३
६ मंसिर २०८१, बिहीबार
६ मंसिर २०८१, बिहीबार
सल्यान, १ जेठ ।
सल्यानको आम्रामा सवारी दुर्घटनामा परेर एक जना गम्भीर घाइते भएका छन् । छिन्चु जाजरकोट सडकखण्ड अन्तर्गत बनगाड कुपिण्डे नगरपालिका १ अम्रामा सोमबार बिहान मोटरसाइकल र ट्रक एक आपसमा ठोक्किएको जिल्ला प्रहरी कार्यालय सल्यानले जनाएको छ ।
ट्रक र मोरसाइकल ठोकिदा मोटरसाइकल चालक बनगाड कुपिण्डे नगरपालिका बालुवासंग्रहीका २१ वर्षीय सौरब शाही गम्भीर घाइते भएको जिल्ला प्रहरी कार्यालय सल्यानका सूचना अधिकारी सन्तोष खनालले जनाए । उनका अनुसार घाइतेको अनुहार, हात खुट्टामा चोट लागेको छ भने अवस्था गम्भीर छ ।
घाइते शाहीलाई उपचारका लागि नेपालगञ्ज पठाइएको प्रहरीले जनाएको छ । नेपालगञ्जबाट जाजरकोट जाँदै गरेको भे १ ख ३९१९ नम्बरको ट्रक र विपरित दिशाबाट आइरहेको भे १२ प ९२ नम्बरको मोटरसाइकल एक आपसमा ठोक्किएका थिए । प्रहरीका अनुसार ट्रक र ट्रक चालकलाई नियन्त्रणमा लिइएको छ ।
© २०२३
सर्वाधिकार सुरक्षित
Design & Developed By:
