खोज

बुटवल, ३० वैशाख ।

पाल्पा जिल्लाको रैनादेवी छहरा गाउँपालिका ७ बल्डेङगढी जोगदमारबाट श्रीमतिसहित छोरी बेपत्ता भएको भन्दै श्रीमान तुलवहादुर गाहाले श्रीमति र छोरी खोजी गरिदिन आग्रह गरेका छन् ।

गाहाले वैशाख २८ गते विहिवार विहान साढे १० बजेतिर श्रीमति २२ बर्षीया यमकली गाहा ६ बर्षीया छोरी पुनम गाहा घरबाट रुपन्देहीको सालझण्डीतर्फ हिँडेको स्थानीयले देखेको भन्दै अहिलेसम्म बेपत्ताकै अवस्थामा रहेकोले खोजी गरिदिन आग्रह गरेका हुन् ।

यमकलीका श्रीमान तुलवहादुर गाहाले श्रीमति र छोरी हराएको भन्दै इलाका प्रहरी कार्यालय सालझण्डी रुपन्देहीमा समेत खोजी गरिदिन निवेदन दिएका छन् । उनले जसले देखेपनि नजिकको प्रहरी कार्यालय र आफ्नो मोवाईलमा सम्पर्क गरिदिन आग्रह गरेका छन् ।

गाहाले श्रीमति यमकलीलाई जहाँ भएपनि एकपटक घर आउन आग्रह गरेका छन् । उचाई ५ फिट, गहुँगोरी र निधारमा खत भएकी श्रीमति मोबाईलमा अर्कै व्यक्तिसँंग कुराकानी गरेको र आफूले थाहा पाएपछि सम्झाई बुझाई गरेको गाहाले बताए ।

छोरी पुनम गाहाले स्थानीय बल्डेङगढी जोगदमारकै मनकामना प्राविमा कक्षा २ मा पढ्ने गरेको गाहाले बताए । श्रीमति खोजी गरिदिन आग्रह गर्दै गाहाले कहीँ कतै देखेमा आफ्नो मोबाईल नम्बर ९८६७३२०५२६ र ९८४७३९६८९८ मा सम्पर्क गरिदिन अनुरोध गरेका छन् ।