खोज

बुटवल, १६ वैशाख ।

अर्घाखाँची साविक चिदिका–रुपन्देही सम्पर्क समाजको आठौं वार्षिकं साधारण सभा शनिबार बुटवलमा सम्पन्न भएको छ ।

साधारण सभाको उदघाटन गर्दै संविधानसभा सदस्य नेत्र पन्थीले समस्यामा परेका आफ्ना सदस्यहरुको सहयोगमा सम्पर्क समाजको भूमिका महत्वपूर्ण रहेको भन्दै सामाजिक संघ संस्थाहरुलाई राजनीतिबाट टाढा राख्नुपर्नेमा जोड दिए । उनले हरेक सामाजिक गतिविधिमा संस्थाको महत्वपूर्ण भूमिका रहने भएकाले आपसी सम्बन्ध र एकतालाई अझ मजवुद बनाएर रचनात्मक कार्यलाई अगाडि बढाउन आग्रह गरे ।

साधारण सभामा वार्षिक प्रतिवेदन प्रस्तुत गर्दै समाजका अध्यक्ष केशवराज पन्थीले आगामी दिनमा समाजले बिगतका कामहरुलाई निरन्तरता दिनुको साथै देउँसी भैलो कार्यक्रम, भित्तेपात्रो प्रकाशन जस्ता नयाँ कामको सुरुवात गर्ने र आजीवन सदस्य बिस्तारलाई निरन्तरता दिने बताए ।

त्यस्तै कोषाध्यक्ष कमल अर्यालले वार्षिक आ व्यय विवरण प्रस्तुत गरेका थिए । चिदिका–रुपन्देही सम्पर्क समाजका अध्यक्ष केशवराज पन्थीको अध्यक्षतामा सम्पन्न कार्यक्रममा समाजका संस्थापक अध्यक्ष पुरुषोत्तम अर्याल, निवर्तमान अध्यक्ष इश्वरी ज्ञवाली, सल्लाहकारद्वय हाजी संशुद्धिन मियाँ, दिपक ज्ञवाली, उपाध्यक्ष गीता ज्ञवाली, कार्यवाहक सचिव हेमनाथ ज्ञवाली, भगवती–रुपन्देही सम्पर्क समाजका अध्यक्ष तारा पाण्डे, ठूलापोखरा–रुपन्देही सम्पर्क समाजका अध्यक्ष नेत्र पाण्डे, देवीपुर–रुपन्देही सम्पर्क समाजका अध्यक्ष गुनाखर खनाल, बल्कोट–रुपन्देही सम्पर्क समाजका सचिव ध्रुव सापकोटालगायतले मन्तव्य व्यक्त गरेका थिए ।