© २०२३
६ मंसिर २०८१, बिहीबार
६ मंसिर २०८१, बिहीबार
दाङ, २ वैशाख ।
दाङमा शनिवार भएका दुई छुट्टाछुट्टै सवारी दुर्घटनामा दुई जनाको मृत्यु भएको छ भने चार जना घाइते भएका छन् ।
मृत्यु हुनेमा घोराही उपमहानगरपालिका १२ का १८ वर्षका वसन्त केसी र बंगलाचुली गाउँपालिका ६ लापेकी ३० वर्षकी यमी घर्तीमगर रहेको जिल्ला प्रहरी कार्यालय दाङका प्रहरी नायव उपरीक्षक एवं प्रवक्ता राजनकुमार गौतमले जानकारी दिएका छन् ।
केसीको घोराही–तुलसीपुर सडकखण्डको नारायणपुरमा रा १ ख ३१२६ नम्बरको बसले सडकमा हिंडिरहेका बेला ठक्कर दिँदा मुत्यु भएको हो । भने घर्तीको घोराही–लमही सडक खण्डमा ना ४ ख ६९५० नम्बरको मिनी बस मसोट खोला घुम्तीमा दुर्घटना हुँदा मुत्यु भएको प्रहरीले जनाएको छ ।
बसमा सवार मृतकको ५ वर्षीय छोरी आहाना घर्ती मगर, प्यूठानको ऐरावती गाउँपालिका वडा नम्बर २ निवासी सरस्वती आचार्य, लमही नगरपालिका वडा नम्बर ५ निवासी ५ वर्षीय सुरज बस्नेत घाइते भएका छन् । घाइतेको लमही अस्पतालमा उपचार भइरहेको प्रहरीले जनाएको छ । दुवै बसका चालकलाई पक्राउ गरी आवश्यक अनुसन्धान गरिरहेको प्रहरीले जनाएको छ ।
© २०२३
सर्वाधिकार सुरक्षित
Design & Developed By:
