खोज

दाङ, २९ चैत ।

तुलसीपुर उपमहानगरपालिकाले विपद्का समयमा सञ्चारमा पहुँच पु¥याउनका लागि १९ वटै वडामा वाकीटकी वितरण गरेको छ । उपमहानगरपालिकाले १९ वटै वडाका वडाध्यक्ष र सचिवहरुलाई प्रशिक्षण गरेर मंगलबार वाकीटकी वितरण गरेको हो । विपद् शाखाका प्रमुख टोपबहादुर डाँगीले २३ वटा वाकीटकी सेट नौ लाख ३१ हजारमा खरिद गरिएको बताए । उनले बाढी पहिरो, आगलागी, भूकम्प जस्ता विपद्को तत्काल उद्दार र राहतका लागि वाकीटकी वितरण गरिएको बताए ।

इलाका प्रहरी कार्यालयका खिम विष्टले इन्टरनेट र नेटवर्कको समस्या भएको अवस्थामा जोखिमबाट तत्काल राहतका लागि वाकीटकीबाट सहजरुपमा सूचना आदान प्रदान गर्न सकिने बताए ।

नगरप्रमुख टीकाराम खड्काले यस क्षेत्रमा बाढी पहिरो र आगलागीको विपद्को सामना गर्दै आएको अवस्थामा वाकीटकीबाट सम्बन्धित निकाय र क्षेत्रमा सूचनाको पहुँच पुग्ने बताए । उनले प्रत्येक वडामा राहत उद्दारका लागि तत्कालै सम्पन्न गर्नका लागि प्रभावकारी रहने बताए ।

विपद्को समयमा सञ्चार पहुँच टुटेको अवस्थामा सहजै सञ्चार सुविधा पु¥याएर तत्कालै राहत उद्दारका लागि वाकीटकी वितरण गरेको उपमहानगरले जनाएको छ । प्रत्येक वाकीटकीमा वडाअनुसार कल साइनको व्यवस्था गरिएको छ । तुलसीपुर आपत्कालीन सञ्चालन केन्द्र, दमकल रुप र नगरप्रमुख सचिवालयमा एक एक वटा वाकीटकी राखिएको छ । तुलसीपुर उपमहानगरपालिकाले आपतकालीन सञ्चालन केन्द्र स्थापना गरेको छ । पश्चिम दाङका चार पालिका मध्ये तुलसीपुर उपमहानगरपालिकामा मात्रै दमकल सञ्चालनमा रहेको छ ।