खोज

बुटवल, २८ चैत ।

लुम्बिनी प्रदेशका निवर्तमान भौतिक मन्त्री ईन्द्रजीत थारु र नेपालका लागि चिनियाँ महामहिम राजदूत छेन सोङबीच भेटघाट भएको छ ।

निवर्तमान मन्त्री थारुले नेपालका लागि नवनियुक्त चिनियाँ राजदूतलाई सोङलाई बधाई दिदैँ सफल कार्यकालको शुभकामना सहित मङ्गलबार लुम्बिनी प्रदेशमा स्वागत गरेका थिए ।

भेटमा प्रदेश राजधानी निर्माणमा चिनियाँ सरकारको सहयोगको अपेक्षा सहित सहयोग थप बलियो बनाउदैँ चिनियाँ सरकार र लुम्बिनी प्रदेश बिच द्विपक्षीय सुमधुर सम्बन्ध र संसदीय गतिविधि आदान प्रदान लगायतका बिषयमा छलफल भएको बताए ।

मन्त्री थारुले चिनियाँ सहयोग, सद्भाव र भातृत्वको लागि धन्यवाद दिदैँ आफ्नो तर्फबाट लुम्बिनी प्रदेशको समग्र बिकास र प्रदेश राजधानीलाई नयाँ मोडलको सिटि बनाउने योजना रहेको बिषय जनाउदैँ सहयोग गर्न समेत प्रस्ताव गर्दै मन्त्री थारुले लुम्बिनी प्रदेश राजधानी भ्रमणको लागी निमन्त्रणा समेत गरेका छन ।

त्यस्तै प्रदेश पूर्वाधार विकास प्राधिकरणका प्रमुख कार्यकारी अधिकृत ईन्जिनियर छविराज पाख्रेलले भौतिक बिकासमा प्रदेशको अबस्था बारे ब्रिफिङ समेत गरेका थिए । चिनियाँ राजदूत सोङले मन्त्री थारुको प्रस्ताव र प्राधिकरण प्रमुखको ब्रीफिङ लाई संबोधन गर्दै लुम्बिनी प्रदेश विकासका लागि चिनियाँ सरकार सधै सहकार्य गरी अगाडि बढ्ने बिश्वास व्यक्त गरे । उनीहरुले लुम्बिनी प्रदेश स्थित कपिलवस्तुको राजापानी रिसोर्टमा करिब २ घण्टा छलफल गरेका थिए ।