खोज

बुटवल, २१ चैत ।

जीवन शैली, खानपानलाई ब्यवस्थित गर्नसके मानवीय स्वास्थ्य ठिक रहने एक कार्यक्रममा बोल्ने वक्ताहरुले बताएका छन् । बुटवल उपमहानगरपालिका, कार्यपालिकाको कार्यालयले सोमबार बुटवलमा आयोजना गरेको मिडियाकर्मी र स्वस्थ्यकर्मीहरुका लागि स्वस्थ्य प्रवद्घर्न सेवा सम्बन्धी पैरवी कार्यक्रममा बोल्ने वक्ताहरुले मानव स्वस्थ्यबारे सुधार गर्न जीवनशैली र खानपानमा ध्यान दिनुपर्ने बताए । स्वास्थ्यको बारेमा सचेत गराउने, सक्षम बनाउने, मध्यस्थतामा जोड दिने गरी एकीकृत अभियानमा जोड दिनुपर्ने सुझाव दिए ।

कार्यक्रममा स्वास्थ्य निर्देशनालयका स्वास्थ्य शिक्षा अधिकृत भरत बहादुर कँुवरले कार्यक्रममा सहजीकरण गर्दै रोग लागिसकेपछि औषधी उपचार गर्नेभन्दा रोक्ने अभियान थाल्न जरुरी रहेको बताए । विकसित देशका नागरिकहरु खानपिन र कसरतमा जोड गर्ने भएकाले उनीहरुको औषत आयु बढी हुने गरेको उनले दाबी गरे। उमेरसंगै आँखा, रक्तसंचारका साथै क्यान्सर जस्ता समस्याहरु देखिने हुँदा यसलाई रोक्न रोग प्रतिरोधात्मक जानकारी लिन जरुरी रहेको छ । प्रत्येक देशले १० प्रतिशत बजेट स्वस्थ्य क्षेत्रमा लगाउनुपर्ने धारणा विकास भएको छ । स्वस्थ्यमा गरिएको लगानी त्यो वास्तविक विकास हुने उनले दाबी गरे ।

कार्यक्रममा बुटवल उपमहानगरपालिका जनस्वस्थ्य शाखा प्रमुख युवराज पाण्डे, स्वस्थ्य निरीक्षक विनोद भुर्तेलले उत्पादनशिल र गुणस्तरीय जीवन यापन गर्न सक्षम हुनुपर्ने बताए ।