© २०२३
२१ मंसिर २०८२, आइतबार
२१ मंसिर २०८२, आइतबार
दाङ, ५ चैत ।
दाङमा आइतबार भएको सवारी दुर्घटनामा बाबुको मृत्यु भएको छ भने आमाछोरी गम्भीर घाइते भएका छन् । घोराही उपमहानगरपालिका वडा नम्बर ३ कुइरेपानीमा आइतबार बेलुका ६ वजेतिर घोराहीबाट लमहीतर्फ जाँदै गरेको प्रदेश ०३—००१ क ०१६९ नम्बरको मिनी ट्रकले विपरीत दिशाबाट आउँदै गरेको बाग्मती प्रदेश ०२—०१६ प ३६५७ नम्बरको मोटरसाइकललाई ठक्कर दिएको थियो ।
ट्रकको ठक्करबाट मोटरसाइकलमा सवार प्यूठान नौवहिनी गाउँपालिका ६ का ३२ बर्षीय राजन केसी, उनकी श्रीमती २६ वर्षीया सन्ध्या केसी र दुई वर्षकी छोरी राष्ट्रियता केसी गम्भीर घाइते भएका थिए । घटनालगत्तै राप्ती स्वास्थ्य विज्ञान प्रतिष्ठान पुर्याएका घाइतेमध्ये मोटरसाइकल चालक केसीको उपचारको क्रममा मृत्यु भएको तथा आमा र छोरी गम्भीर घाइते भएको प्रहरी नायव उपरीक्षक राजन कुमार गौतमले जानकारी दिए ।
मिनी ट्रक र चालकलाई नियन्त्रणमा लिई थप अनुसन्धान भैरहेको प्रहरी नायव उपरीक्षक गौतमले जानकारी दिए ।
© २०२३
सर्वाधिकार सुरक्षित
Design & Developed By:
