© २०२३
९ मंसिर २०८१, आईतवार
९ मंसिर २०८१, आईतवार
सल्यान, ३० फागुन ।
सिकारको लागि जंगलमा गएको बेला भरुवा बन्दुक पड्किदा सल्यानमा एक किशोरको मृत्यु भएको छ । जिल्लाको बनगाड कुपिण्डे नगरपालिका वडा नम्बर ९ स्वाराका अन्दाजी १६ वर्षीय चित्र बहादुर रावतको बन्दुकको गोलि लागेर मृत्यु भएको जिल्ला प्रहरी कार्यालय सल्यानले जनाएको छ ।
सोमबार दिउँसो गाउँबाट झन्डै दुई किलोमिटर टाढाको जंगलमा सिकार खेल्न जाँदा सोही ठाउँका अन्दाजी ४० वर्षीय आइते रावतले बोकेको बन्दुक एक्कासी पड्किदा गोलि लागेर घाइते भएका चित्र बहादुर घाइते भएका थिए । घाइते चित्र बहदुरको उपचारका लागि सुर्खेत लिदै गर्दा बाटोमै मृत्यु भएको जिल्ला प्रहरी सल्यानका सूचना अधिकारी सन्तोष खनालले जानकारी दिए। घटना पछि फरार रहेका आइतेलाइ प्रहरिले पक्राउ गरेको छ । स्वारा ज्युलामा लुकिछिपी बसेको अवस्थामा प्रहरी टोलीले पक्राउ गरेको हो ।
पक्राउमा परेका उनलालाई जिल्ला प्रहरी कार्यालय सल्यानमा ल्याइएको र कानुनी प्रक्रिया अगाडि बढाइएको सूचना अधिकारी खनालले बताए । बन्दुक पड्किँदा चित्र बहादुरको पेट र घाँटीमा गोली लागेको थियो । आइतेले बोकेको भरुवा बन्दुक भने अहिलेसम्म फेला नपरेको प्रहरीले जनाएको छ ।
© २०२३
सर्वाधिकार सुरक्षित
Design & Developed By:
