© २०२३
२ बैशाख २०८२, मंगलवार
२ बैशाख २०८२, मंगलवार
सल्यान, २७ फागुन ।
पश्चिम सल्यानमा जीपले मोटरसाइकललाई ठक्कर दिंदा दुई जना घाइते भएका छन् । छिन्चु–जाजरकोट सडकखण्ड अन्तर्गत जिल्लाको बनगाड कुपिण्डे नगरपालिका वडा नम्बर १ घोरेरी पुल नजिकै शनिबार दिउँसो दुर्घटना भएको इलाका प्रहरी कार्यालय सल्लीबजारले जानकारी दिएको छ । ठक्करबाट मोटरसाइकलमा सवार दैलेख चामुण्डा बिन्द्रासैनी नगरपालिका ९ का २९ वर्षीय लोक बहादुर रावत र २९ वर्षकै लक्ष्मण खड्का घाइते भएको इलाका प्रहरी कार्यालय सल्लीबजारका इन्चार्ज ऋषिराम दाहालले जानकारी दिए ।
जाजरकोटबाट सुर्खेत जाँदै गरेको बागमती प्रदेश –१–०२७ च ४०६९ नम्बरको जिपले नेपालगञ्जबाट रुकुम जाँदै गरेको सुपप्र०१–००८ प ४०२ नम्बरको मोटरसाइललाई ठक्कर दिएको थियो ।
घाइते दुवै जनाको सल्लीबजारमा सामान्य उपचार गरिएकोमा अवस्था गम्भीर देखिएपछि लोक बहादुरलाइ थप उपचारका लागि नेपालगञ्ज पठाइएको प्रहरीको भनाई छ । जिप र जिप चालकलाई नियन्त्रणमा लिएर घटनाको थप अनुसन्धान भइरहेको प्रहरीले जानकारी दियो ।
© २०२३
सर्वाधिकार सुरक्षित
Design & Developed By:
