© २०२३
९ मंसिर २०८१, आईतवार
९ मंसिर २०८१, आईतवार
बुटवल, १८ फागुन ।
रुपन्देही प्रहरीले साढे १४ लाख रुपियाँ बराबरको अवैध सामान नियन्त्रणमा लिएको छ । भन्सार छलेर नेपाल ल्याइएको १४ लाख ५७ हजार ९९० रुपियाँ बराबरको अपैध सामान प्रहरीले बरामद गरी भन्सार पठाएको हो ।
जिल्ला प्रहरी कार्यालय रुपन्देहीका अनुसार सिद्धार्थनगर नगरपालिका वडा नम्बर ७ बेलबाबा पथस्थित दिनेश पोखरेलको घरबाट १२० पिस तन्ना, २७६ पिस टिसर्ट, हाफ पाइन्ट १९६ पिस, बनारसी साडी १७६ पिस, नर्मल साडी ११० पिस र सिफनको बण्डल ९५ रोल गरी करिव ८ लाख ५४ हजार मूल्य बराबरको सामान बरामद भएको छ ।
त्यस्तै रुपन्देहीको मर्चवारी गाउँपालिका वडा नम्बर ७ श्रीरामपुरस्थित महादेव पाल र शिवनाथ भन्ने सूर्यनाथ पालको घरबाट तीन लाख १२ हजार रुपियाँ बराबरको ५० केजीका सय बोरा चामल प्रहरीले बरामद गरेको छ ।
त्यस्तै कोटहीमाई गाउँपालिका वडा नम्बर ३ नौडिहवामा बेबारिशे अवस्थामा भारतबाट भन्सार छली चोरी पैठारी गरी ल्याएको दुईलाख ९१ हजार ९९० रुपियाँ बराबरको ५० केजीको ७७ बोरा चामल र २३ बोरा गहुँ बरामद गरी भन्सार पठाइएको रुपन्देही प्रहरी प्रमुख प्रहरी उपरीक्षक भरत बिकले जानकारी दिए ।
© २०२३
सर्वाधिकार सुरक्षित
Design & Developed By:
