खोज

बुटवल, १६ फागुन ।

मिस वेष्ट्रन नेपालको अडिसन बुटवलमा बुधबार हुदैछ । चौथो संस्करणको अडिसनको तयारी पुरा भएको नेक्स्ट रिभोलुसन नेपालका प्रबन्ध निर्देशक राजीव खनालले बताए । अन्तर्राष्ट्रिय मान्यताअनुसार न्यूनतम ५ फिट ३ इन्च उचाई तथा १८ देखि २७ वर्षका अविवाहित, नेपाली नागरिकता सहित नेपाली पासपोर्ट भएका युवतीले प्रतिष्पर्धाका लागि आवेदन दिन सक्ने खनालले बताए ।

अडिसनका लागि लुम्बिनी प्रदेशका विभिन्न जिल्लाबाट एक दर्जन बढी प्रतियोगीहरुले आवेदन दिएका छन् । ‘अडिसन होटल एभरेष्ट ईनमा बुधबार हुने छ’–उनले भने । मिस नेपाल द हिडन ट्रेजरको फ्रेन्चाईची लिएर संस्थागत रुपमा प्रतियोगिता गर्दै आएको उनले बताए । अडिसनमा छनौट भएका प्रतियोगीलाई ब्यक्तिगत क्षमता विकास, नेतृत्व, वक्ततृत्व, स्टेज प्रस्तुति लगायतका तालिमहरु दिईने छ । चैत ११ गते हुने फाईनल कार्यक्रमको विजेताले पश्चिम क्षेत्रबाट प्रतिनिधित्व गर्दै मिस नेपालमा भाग लिने छन् । मिस नेपालको प्लेटफर्ममा पुग्ने यो आधार कार्यक्रम भएको उनले दाबी गरे । सन २०१८ बाट प्रतियोगिता गर्दै आएको उनले बताए । अहिलेसम्मको यस क्षेत्रबाट सहभागी भएर मिस नेपालको टप १२ सम्म पुगेको छ । प्रतियोगीले आफ्नो शरीरमा कुनै किसिमको टाटुहरु नखोपेको हुनुपर्ने उनले बताए । मिस वेष्ट्रन नेपालकी गतवर्ष डा. दिलासा डोटेल विजेता भएकी थिईन् । मिस नेपाल २०२२ प्रियंका रानी जोशी रहेकी छिन् ।

कार्यक्रम निर्देशक गोपाल अधिकारीले युवाको शारीरिक र बौद्धिक क्षमता प्रदर्शन गर्ने प्लेटफर्मका रुपमा यो कार्यक्रम भएको बताए । रुपन्देहीका बुटवल बहुमुखी, लुम्बिनी बाणिज्य क्याम्पस, अक्सफोर्ड, एम्स, एक्सिस कलेजमा अडिसनको क्याम्पेनिङ समेत गरिएको उनले बताए । मिस नेपाल हिडन ट्रेजरका अध्यक्ष दिवाकर राजकर्णिकारले ललितपुरको गोदावरी स्थित २ हजार ८ सय दर्शक अट्ने सनराइज कन्भेन्सन सेन्टरमा ग्रान्ड फिनाले हुने बताए ।

डाबर वाटिका मुख्य प्रायोजक रहेको प्रतियोगितामा तीन मुख्य विजेताहरु हुनेछन् । जसमा मिस नेपाल वल्र्ड, मिस नेपाल अर्थ र मिस नेपाल इन्टरनेशनल रहनेछ ।