© 2026
१४ माघ २०८२, बुधबार
१४ माघ २०८२, बुधबार
पश्चिम नवलपरासी, ९ फागुन ।
पश्चिम नवलपरासीको गण्डक नहरमा दुई बच्चा सहित हाम फालेकी महिलाको शव भेटिएको छ । नहरमा हाम फालेको स्थान भन्दा एक सय मिटर तल दुवै छोरालाई सलले बाँधेको अवस्थामा तीनै जना मृत भेटिएको जिल्ला प्रहरी कार्यालयका सुचना अधिकारी डिएसपि भोजराज पाण्डेयले जानकारी दिए ।
आज दिउंसो २ बजे तिर सुस्ता गाउँपालिका–२ हरकपुरास्थित गण्डक नहरमा सोही वडाको महलबारी बस्ने २९ वर्षीया प्रतिमा थारूले ९ वर्षीय छोरा क्रिश र ७ वर्षीय सुमितलाई काखमा लिएर हाम फालेकी थिईन् । उनको जनपथ र सशस्त्र प्रहरीको टोलीले खोजी गरी मृत अवस्थामा फेला पारेको हो ।
ती महिलाको मानसिक सन्तुलन सामान्य नरहेको प्रहरीले जनाएको छ । उनका श्रीमान् वैदेशिक रोजगारमा छन् । उनी दुई छोरा र सासु संग बस्दै आएकी थिईन् ।
© 2026
All rights reserved.
Design & Developed By:
