© 2026
२२ भाद्र २०८३, सोमबार
२२ भाद्र २०८३, सोमबार
सल्यान । मादक पदार्थ सेवन गरेर सवारी चलाउँदा सल्यानको कालीमाटीमा अटो दुर्घटना भएको छ । दुर्घटनामा चालकसहित दुई जना घाइते भएको सल्यान प्रहरीले जनाएको छ ।
दुर्घटनामा अटो चालक सुर्खेतको गुर्भाकोट नगरपालिका वडा नं, २ वर्दीका २९ वर्षीय प्रेम डाँगी र अटोमा सवार कालीमाटी गाउँपालिका, ५ काल्चेका १८ वर्षीय मेघराज सार्की घाइते भएका हुन् ।
आइतबार राति करिब ८ः २० बजे कालीमाटी गाउँपालिका वडा नं, २ सेतीखोला स्थित कालीमाटी सुर्खेत सडकखण्डमा कालीमाटीबाट गुर्भाकोट तर्फ जाँदै गरेको लु प्र ०२–००१ ह १५८० नम्बरको अटो अनियन्त्रित भई सडक छेउमा रहेको विद्युत् पोलमा ठोक्किएको जिल्ला प्रहरी कार्यालयले जनाएको छ ।
प्रहरीका अनुसार दुवैले मादक पदार्थ सेवन गरेको पाइएको छ । डाँगीको टाउकोमा तथा सार्कीको बायाँ खुट्टामा चोट लागेको छ । दुवैको अवस्था मध्यम रहेको र उपचारका लागि दाङको तुलसीपुर पठाइएको प्रहरीले जनाएको छ । दुर्घटनामा अटो पूर्ण रूपमा क्षतिग्रस्त भएको छ । दुर्घटनाबारे थप अनुसन्धान भइरहेको प्रहरीले जनाएको छ ।
© 2026
All rights reserved.
Design & Developed By:
