Butwal Today

महाकालीमा पानीको बहाव बढ्योः बनबासा पुलमा आवागमन प्रभावित

बुटवल टुडे
१६ भाद्र २०८३, मंगलवार
अ
अ+
अ-

महेन्द्रनगर । महाकाली नदीमा पानीको बहाव बढेपछि आज बिहानैदेखि कञ्चनपुरको गड्डाचौकी नाकाबाट हुने आवागमन प्रभावित बनेको छ ।

महाकाली नदीमा जलस्तर बढेसँगै पश्चिमी नाका गड्डाचौकी भएर नेपाल–भारत आवतजावत गर्ने चारपाङ्ग्रे सवारीसाधनलाई शारदा ब्यारेज (बनबासा पुल) भएर आवागमन गर्न रोक लगाइएको इलाका प्रहरी कार्यालय गड्डाचौकीले जनाएको छ ।

इलाका प्रहरी कार्यालय गड्डाचौकीका प्रमुख प्रहरी वरिष्ठ नायब निरीक्षक जीवन गुरुङले गरेको मापनअनुसार महाकाली नदीमा पानीको बहाव एक लाख १२ हजार क्युसेक पुगेको जानकारी दिए ।

“महाकालीमा पानीको बहाव एक लाख क्युसेक नाघेपछि सुरक्षाका कारण चारपाङ्ग्रे सवारीसाधनलाई बनबासा पुलबाट आवागमन गर्न भारतीय पक्षले दिँदैन”, उनले भने, “पहाडी जिल्लासँगै कञ्चनपुरमा पनि वर्षा भइरहेकाले बहाव बढ्न सक्छ ।”

एक सय वर्ष पुरानो बनबासा पुल जीर्ण भएकाले जोखिम हुने भन्दै वर्षातका बेला पानीको बहाव बढ्दा ठूला सवारीसाधनलाई रोक लगाउने गरिन्छ । “पानीको बहावले ठूला सवारीसाधन रोकिएपछि मोटरसाइकल र पैदल यात्रामा रोकावट हुँदैन”, गुरुङले भने, “जलस्तर घटेपछि आवागमन सहज भइहाल्छ ।”

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

पञ्चकन्याको एक करोड ५५ लाख राहत सहयोग

न्यू होराइजनद्वारा भोटेकोशी बाढीपीडितलाई ९ लाख १८ हजार सहयोग

असफल पात्रलाई दोहो-याउने खेल किन ?

‘विपद् प्रभावितमाथि महँगीको भार’

नवलपुरमा भेटिएका १५९ शव व्यवस्थापन

‘स्थलगत अध्ययन नगरी पञ्चकुण्ड हिमताललाई जोखिमयुक्त भन्न मिल्दैन’

प्याडविहीन विद्यालय: दुई वर्षको ६० लाख बजेट खेर

प्रतिनिधिसभाको बैठक आज बस्दै