चितवन । चीनको स्वशासित क्षेत्र तिब्बतबाट आएको बाढीसँगै भोटेकोसी नदीमा आएको अकल्पनीय बाढीमा त्रिशूली र नारायणी नदीमा ६४ शव भेटिएका छन् । भेटिएका शव सग्लो र शरीरका अङ्गहरू मात्रै पनि छन् । भेटिएका शवलाई भरतपुर अस्पतालको शव गृहमा राखिएको जिल्ला प्रहरी कार्यालय चितवनका प्रमुख प्रहरी उपरीक्षक रामेश्वर पौडेलले जानकारी दिए ।
उनका अनुसार तनहुँमा भेटिएका नौ शव चितवन पठाइएको भए पनि यहाँ राख्ने ठाउँ नभएर पुनः तनहुँ नै फिर्ता गरिएको छ । जिल्लास्थित तीन वटै सुरक्षा निकायले नदी किनारमा शव खोज्ने काम सुरु गरेका छन् ।
भरतपुर अस्पतालको शव गृहमा शव नअटाएपछि अब भेटिएका शवहरूलाई औद्योगिक प्रतिष्ठानको कार्यालयमा व्यवस्थापन गर्ने गरी तयारी गरिएको उनले जानकारी दिए ।
११ भाद्र २०८३, बिहीबार
