खोज

बुटवल, १६ माघ ।

ग्रामीण क्षेत्रका नागरिकमा स्वस्थ्यको पहुच र सचेतना पुर्याउने उदेश्यका साथ रोटरी क्लब अफ बुटवल डाउनटाउनले एक दिने वृहत निःशुल्क स्वस्थ्य शिविर, परामर्श तथा औषधी वितरण कार्यक्रम सम्पन्न गरेको छ । गुल्मी जिल्लाको सत्यवती गाउँपालिका भार्सेको त्रिवेणी संगमस्थलमा निःशुल्क स्वास्थ्य जाँच, परामर्श शिविर कार्यक्रम गरेको हो । शिक्षा, स्वस्थ्य, सरसफाईलाई मध्येनजर गरि आम नागरिकमा सचेतना जगाउने गरि सत्यवती, चन्द्रकोट र कालिगण्डकीका स्थानिय बासिन्दाहरुलाई समेटेर बृहत स्वास्थ्य शिविर कार्यक्रम गरिएको कार्यक्रमका संयोजक शिब ज्ञवालीले बताए । महिला प्रसुति विशेषज्ञ डा शर्मिला शर्मा, फिजिसियन डा सुदिप भण्डारी, डा शम्भु खनाल, बालरोग विशेषज्ञ डा किरण सुवेदीसहित नेपाल परिवार नियोजनको प्राविधिक टिमले शिविरमा जाच गरेका थिए ।

कार्यक्रमको एक समारोहका बीच सत्यवती गाउँपालिकाका अध्यक्ष टिकाराम पाण्डे, उपप्रमुख निरमाया तरामु, वडा नं.८ का अध्यक्ष होम रानाले कार्यक्रमको एक समारोहका बीच उद्घाटन गरे । कार्यक्रममा बोल्दै प्रमुख टिकाराम पाण्डेले ग्रामीण भेगमा रहेको स्वस्थ्य सचेतना जगाउन विभिन्न समयमा गरिने कार्यक्रम फलदायी हुने बताए । ‘सरकारको दायित्वलाई सामाजिक संघसंस्थाहरुको निर्वाह गरेका छन्’– उनले भने । ग्रामीण क्षेत्रमा रोगबाट ग्रसित भएपछिमात्र अस्पताल जानुपर्छ भन्ने मान्यतालाई चिर्न जरुरी रहेको उनले बताए ।

कुनै पनि रोग लाग्नुभन्दा सचेतना अपनाउन उपयुक्त हुने भन्दै उनले आगामी दिनहरुमा सहकार्यमा थप कार्यक्रमहरु गर्न तयार रहेको बताए । शिविरमा जाँच गरेको महिलाहरुमा पाठेघर सम्बन्धी समस्या धेरै देखिएको महिला प्रसुति विशेषज्ञ डा शर्मिला शर्माले बताईन् । नमुना संकलन गरी परिक्षणमा ४० प्रतिशत बढीको बुटवल ल्याईएको उनले बताईन् । ‘हामीले उहाहरुलाई थप उपचारका लागि लुम्बिनी प्रादेशिक अस्पतालमा जाने विषयमा परामर्श दिएका छौ’– उनले भने । गाउँघरमा रोग लुकाउने कारण पनि जटिलता भैसकेपछि अस्पताल जाने परिपार्टी देखिने उनले बताईन् ।

शिविर अवधिमा ४ सय ५० जनाको स्वस्थ्य जाच गरिएको क्लबका अध्यक्ष भरत रानाले बताए । पाठेघरको क्यान्सरको परिक्षणका लागि नेपाल परिवार नियोजन संघ बुटवल शाखाको सहयोगमा भिआई टेष्ट गरिएको उनले बताए । पाठेघर सम्बन्धी समस्या भेटिएको र थप जाच गराउनुपर्ने महिलाहरुलाई लुम्बिनी अस्पताल रिफर गरिएको बताए । क्लबबाट आवश्यक सहयोग गर्ने उनले प्रतिबद्धता जनाए । स्वस्थ्य शिबिरमा सहयोग गर्ने प्राविधिक सहयोग गर्ने चिकित्सक, औषधी सहयोग गर्ने सिद्धार्थ फार्माच्युटिकल्स, लाईभ फार्माच्युटिकल्स, ग्रेस फार्माच्युटिकल्स, बायोज्ञान रेमिडिज, सिद्ध फार्मुलेसन, खेम ईन्टरप्राईजेज, सुर्य मेडिसिन प्रालि बुटवल, एनएमएसआरए बुटवल युनिटलाई प्रसंशापत्र वितरण तथा अतिथिहरुलाई मायाको चिनो वितरण गरिएको थियो । कार्यक्रममा क्लबका पुर्ब अध्यक्ष राजेन्द्र ढकालले स्वस्थ्य, शिक्षा, सरसफाईको पहुच र सचेतना जगाउने उदेश्यका साथ कार्यक्रमहरु गर्दै आएको बताए । शहरी क्षेत्रमा स्थापना भएपनि आफनो मुलथलोमा थोरै भएपनि योगदान दिने गरि आगामी दिनहरुमा समेत कार्यक्रम गर्ने उनले बताए ।