© 2026
२२ श्रावण २०८३, शुक्रबार
२२ श्रावण २०८३, शुक्रबार
काठमान्डौँ ।
साउन लागेसँगै कुखुराको मासुको मूल्य लगातार उकालो लागेको छ । राष्ट्रिय कुखुरा बिक्री व्यवसायी संघका अनुसार शुक्रबारदेखि लागू हुने गरी कुखुराको मूल्य फेरि बढाइएको हो ।
संघका अनुसार यसअघि प्रतिकिलो २ सय ३० रुपैयाँ रहेको जिउँदो कुखुराको मूल्य १० रुपैयाँले बढाएर २ सय ४० रुपैयाँ पुर्याइएको छ ।
यस्तै, तयारी कुखुराको मासुको मूल्य पनि बढेको छ । यसअघि प्रतिकिलो ३ सय १५ रुपैयाँ रहेको तयारी मासुको मूल्य बढेर ३ सय ३० रुपैयाँ पुगेको संघले जनाएको छ ।
पशुसेवा विभागका अनुसार १ साउनदेखि नेपालमा बर्डफ्लुको संक्रमण देखिएको छैन । बर्डफ्लुको संक्रमण नियन्त्रणमा आएपछि कुखुराको मासुको मूल्य बढ्न थालेको व्यवसायीहरूको भनाइ छ ।
व्यवसायीहरूले बर्डफ्लुका कारण ठूलो संख्यामा कुखुरा मरेको र त्यसका कारण उत्पादन घटेकाले मूल्य बढेको बताएका छन् ।
© 2026
All rights reserved.
Design & Developed By:
