खोज

बुटवल, १० माघ ।

हेल्पर केयरिङ सर्कलको प्रथम वार्षिकोत्सव तथा सम्मान कार्यक्रम सम्पन्न भएको छ । विश्वास घिमिरेको अध्यक्षतामा बुटवल ११ स्मृती भवन मजुवामा भएको कार्यक्रमको उदघाटन बुटवल उपमहानगरपालिकाका प्रमुख खेलराज पाण्डेले गरेका थिए ।

कार्यक्रममा अध्यक्ष घिमिरेले आफ्नो क्लबले आयोजना गर्ने सम्पूर्ण कार्यमा सबैले हातेमालो गर्दै अघि बढ्नुपर्नेमा जोड दिंदै सधै क्लबले राम्रा कार्य गर्दै आएकाले क्लबको उचाईलाई थप माथि पुर्याउन सबैको साथ र सहयोगको लागि आग्रह गरे । क्लवले विभिन्न कार्यक्रमहरु गर्दै आएको छ । आगामी कार्यक्रमहरुमा आश्रममा सहयोग गर्ने, सचेतनामूलक कार्यक्रम गर्ने र सामाजिक काम गर्ने लक्ष्य रहेको अध्यक्ष घिमिरेले बताए ।
बुटवल उपमहानगरका प्रमुख खेलराज पाण्डेले युवाहरुको सक्रियतामा राम्रो सामाजिक कार्यमा सधैं साथ रहने र आगामी दिनमा सबैसंगको सहकार्यमा सामाजिक कार्य गर्न समेत आग्रह गरे । क्लबले आयोजना गर्ने सम्पूर्ण कार्यमा सबैले हातेमालो गर्दै अघि बढ्नुपर्नेमा उनले जोड दिए ।

बुटवल उपमहानगरपालिका वडानम्बर ११ का जनप्रतिनिधि नकुल शाहीले क्लबलाई उचाईमा पुर्याएकोमा सम्पूर्णलाई बधाई तथा धन्यवाद दिंदै सफलताको शुभकामना व्यक्त गरेका थिए ।

बुटवल उपमहानगरपालिका वडा नम्बर १ का वडाअध्यक्ष नरेन्द्र बस्नेतले सधै मिलेर हातेमालो गर्दै कार्यक्रम सञ्चालन गर्न आग्रह गरे । कार्यक्रममा हेल्पर केयरिङ सर्कल क्लबका कार्यकारी अध्यक्ष तथा उपाध्यक्ष मनिषा पौडेल, सदस्य संगीता बिकलगायतले मन्तव्य व्यक्त गरेका थिए ।