खोज

घोराही, २५ पुस ।

दाङमा हनि ट्रयापमा पारेर करोडौ रुपैयाँ बार्गेनिङ गर्ने मुख्य योजनाकार अनुष्का सिंह पुर्पक्षका लागि कारागार चलान भएकी छिन । सोमबार भएको थुन छेक बहसमा दाङ जिल्ला अदालतले गढवा ६ घर भई हाल तुलसीपुर बस्दै आएकी ३५ बर्षीय अनुष्का सिंह भनेर चिनिने कृष्णि गहतराजले मुख्य योजना बनाई हनि ट्रयापमा पारेर फसाउन खोजेको भन्दै उनलाई कारागार चलान गर्न आदेश दिएको हो ।

जिल्ला न्यायाधीश रामप्रसाद बस्यालको एकल इजलाशले दुई वटा नागरिकता भएकी सिंहलाई पुर्पक्षका लागि जेल पठाउने आदेश दिएको छ । प्रहरीले एक पुरुष र २ जना महिलासहित ३ जनालाई पक्राउ गरेर मुद्दा चलाएको थियो । अर्की एक जना महिला भने एक लाख धरौटी रकम तिर्न नसकेर कारागार चलान भएकी हुन् भने जाहेरवाला सरकारी कागज किर्ते मुद्दामा पुरुष साधारण तारिखमा रिहा भएका छन् ।

हनि ट्रयापमा पैसा असुल्न खोज्ने आपराधिक लाभ मुद्दामा घोराही १० नारायणपुरका २७ बर्षीय रुद्रबहादुर केसी, तुलसीपुर १८ ग्वारखोलाकी ३६ बर्षीय कृष्णिकुमारी बस्नेत जनही एक लाख धरौटीमा छुटेका छन् । जाहेरवाला सरकारी किर्ते कागज लिखतमा मुद्दा चलाईएका प्रेमबहादुर खड्का साधारण तारीखमा रिहा भएका छन् ।

व्ल्याकमेलिङ गर्दै मोटो रकम नदिए बलात्कार मुद्दा हाल्ने भनेर ती महिलाहरुले धम्की दिदै आएका थिए । ती पीडित ब्यवसायीले आफुलाई यौन सम्बन्धको प्रस्ताव राख्दै व्ल्याकमेलिङ गर्न खोजेपछि प्रहरीमा जाहेरी दिएका थिए । जाहेरीपछि प्रहरीले घोराहीबाट उनीहरुलाई नियन्त्रणमा लिएको हो । मुख्य योजनाकार भनिएकी अनुष्काले दुई वटा नागरिकता र स्कुटीको लाईसेन्स बनाउन जाहेरवाला प्रेमले सहयोग गरेको भन्दै दुवै विरुद्ध सरकारी कागजात किर्तेमा पनि मुद्दा प्रहरीले चलाएको थियो ।

उनीहरुबीचको मोबाईल मेसेज र मेसेन्जरको कुराकानी हेर्दा ५ करोडको बार्गेनिङ गरेको देखिएको र नगद ३० लाख बुझेको प्रहरी अनुसन्धानबाट खुलेको थियो । बार्गेनिङ गरे अनुसारको थप पैसा माग्नेक्रममा उनीहरुलाई प्रहरीले समातेको थियो ।