खोज

स्वस्तिक श्रेष्ठ
बुटवल, १८ पुस

बुटवलमा सम्पन्न उजिर सिंह कप क्रिकेट प्रतियोगिता २०७९ को उपाधी बिएमडब्लु वेस्टर्न क्रिकेट एकेडेमीले चुमेको छ । बुटवल क्रिकेट विकास समितिको आयोजनामा सोमबार सम्पन्न फाइनल खेलमा न्यु होराइजन क्लबलाई ३ विकेटले पराजित गर्दै वेष्ट्रनले उपाधी जितेको हो । उपाधिसंगै उसले नगद ३० हजार रुपैया, कप, मेडल, प्रमाणपत्र प्राप्त गरेको छ । उपविजेतामा चित्त बुझाएको न्यु होराईजनले नगद १५ हजार रुपैयासहित कप, मेडल, प्रमाणपत्रबाट पुरस्कृत भयो । नर्ेश्वर क्रिकेट मैदानमा सोमबार भएको फाईनल खेलमा टस जितेर न्यु होराईजनले ब्याटिङ रोज्दै ३५.५ ओभरमा सबै विकेट गुमाएर १ सय २५ रनको लक्ष्य खडा गरेको थियो । उसको लागि बाबुराम क्षेत्रीले ३९ बलमा २९ रन तथा सुमित पराजुलीले २६ बलमा १९ रनको योगदान दिएका थिए । वेष्ट्रनका अभिषेक गौतम ८ ओभर बलिङ गर्दै ३ मेडनसहित १२ रन खर्चेर ३ बिकेट तथा हरजित सिहले ६.५ ओभर बलिङ गर्दै २७ रन खर्चेर समान ३ बिकेट लिएका थिए । मध्यम लक्ष्य पछयाएको वेष्ट्रनले ३१.२ ओभरमा ७ बिकेटको नोक्सानीमा भेटायो । वेष्ट्रनका लागि भुवन पाण्डेले ४४ बलमा ३३ तथा अस्फाक खानले ५४ बलमा २० रनको योगदान दिएका थिए । न्यु होराईजका लागि पुरुषोत्तम भट्टराईले ८ ओभर बलिङ गर्दै २ मेडनसहित २९ रन खर्चेर ३ तथा बाबुराम क्षेत्रीले ६ ओभर बलिङ गर्दै २० रन खर्चेर २ बिकेट लिएका थिए ।

प्रतियोगिताको वेष्ट्रनका अभिषेक गौतम प्लयेर्स अफ दि सिरिज तथा उत्कृष्ट बलर घोषित भए । उनले नगद ७ हजार पाच सय रुपैया, कप, मेडल, प्रमाणपत्रबाट पुरस्कृत भए । प्रतियोगितामा उत्कृष्ट ब्याट्म्यान वेष्ट्रनका भुवन पाण्डे नगद १ हजार ५ सय सय तथा उदयममान खेलाडी बुटवल ११ का बिबेश खाती नगद ५ हजार रुपैयासहित कप, मेडल, प्रमाणपत्रबाट पुरस्कृत भए । एक समारोहका बिच बुटवल उपमहानगरपालिकाका नगरप्रमुख खेलराज पाण्डे, प्रदेश खेलकुद विकास परिषद लुम्बिनीका सदस्यसचिव जयप्रकाश भट्टराई, बुटवल क्रिकेट विकास समितिका अध्यक्ष सोहन श्रेष्ठ, जिल्ला क्रिकेट संघ रुपन्देहीका उपाध्यक्ष धिरज क्षेत्री, खेल संयोजक राजु रानाले पुरस्कार वितरण गरेका थिए । प्रतियोगितामा आठ टिमले भाग लिएका थिए ।