खोज

स्वस्तिक श्रेष्ठ
बुटवल, १५ पुस

शुक्रबार देखि बुटवलमा सडक खाना महोत्सव शुरु भएको छ । अंग्रेजी नया वर्षको स्वागतमा चौथो संस्करणको ३ दिने सडक खाना महोत्सवको सुरु भएको हो ।

होटल तथा रेष्टुरेण्ट व्यवसायी संघ रुपन्देहीको आयोजनामा ‘नेपाली मौलिक कला सस्कृति तथा खानपानका परिकार हाम्रो शान, आन्तरीक पर्यटक प्रवद्धन र रोजगारीको सिर्जना हाम्रो अभियान’ भन्ने नारासहित शुक्रबारदेखि तीन दिनसम्म चल्ने महोत्सवमा स्थानीय स्तरका जातजातिका परम्परागत खानादेखि लुम्बिनी प्रदेशका स्थानिय स्तरमा पाइने रैथाने एवं तारे होटलहरुको परिकारसम्म राखिने संघका अध्यक्ष रामप्रसाद गौतमले बताए ।

सडकमै खान, रमाउन र पर्यटकलाई एकै स्थानमा थरीथरी स्वाद दिन महोत्सव आयोजना गरेको उनले बताए । लुम्बिनी प्रदेश स्तरमा रहेका थारु, मुस्लिम, मधेशी, मगर, गुरुड. समुदायहरुलाई प्राथमिकताका साथ राखिने र सुपथ मूल्यमा उपलब्ध रहेको छ । बुटवलको इटाभट्टीस्थित कालिकापथमा आयोजना गरिएको महोत्सवका १ सय स्टलहरु छन् ।

साझ ६ बजेदेखि राति १२ बजेसम्म महोत्सव चल्ने छ । महोत्सवको १ लाख दर्शकले अवलोकन गर्ने र त्यसबाट एक करोड रुपैया बराबरको कारोवार गर्ने संघका महासचिव माधव खनालले बताए । महोत्सवमा दैनिक राष्ट्रिय तथा स्थानिय कलाकारहरुको सांगितिक प्रस्तुती हुने उनले बताए ।
संघको आयोजनमा ०७५ सालदेखि बुटवलमा सडक खाना महोत्सव आयोजना गर्न थालिएको हो ।