खोज

बुटवल, १५ पुस

पैचो पसल प्रालिले आफ्नो आठौ वार्षिकोत्सबको अवसरमा रक्तदान तथा सम्मान कार्यक्रम गरि मनाएको छ। नेपाल रेडक्रस सोसाइटी, रक्तसंचार केन्द्र बुटवलको प्राविधिक सहयोगमा शुक्रबार सुख्खानगरस्थित कार्यालयमा भएको कार्यक्रमको प्रालिका अध्यक्ष दुर्गा प्रसाद भण्डारीले उद्घाटन गर्दै सामाजिक उत्तरदायित्वमा संस्थाको योगदान रहेको बताए। कृषिको ब्यवसायिकरण गर्दै अघि बढेको संस्था प्रत्येक वर्ष स्थापना दिवसमा रक्तदान, वृद्धाश्रम, अनाथ आश्रममा सहयोग गर्दै आएको उनले बताए। पैचोको योगदानप्रति सरकारले उच्च सम्मानसहित प्रदेश रत्न पदक, राष्ट्रपति युवा पुरस्कार, नीति अनुसन्धान प्रतिष्ठानबाट सफल युवा ब्यवसायी तथा कर्पोरेट एक्सलेन्स अवार्ड २०२२ बाट पुरस्कृत भएको उनले बताए।
कार्यक्रममा नेपाल स्वयंसेवी रक्तदाता समाज रुपन्देहीका अध्यक्ष कृष्ण चौहान क्षेत्रीले रगतको दानभन्दा माग बढि हुदा अभाव देखिने गरेको बताए। चिसो बढेसंगै रगतको खपत कम हुने हुदा ब्लड बैकमा रगत पर्याप्त रहेको प्राविधिक निरंजन राजभण्डारीले बताए।
कार्यक्रममा प्रबन्ध निर्देशक ध्रुव न्यौपानेले ६० युनिट रगत संकलन भएको बताए। वर्षभरि उत्कृष्ट कार्य गर्ने कर्मचारीहरुलाई सम्मान गरिएको थियो। उत्कृष्ट विभागिय प्रमुख आईटि शाखा प्रमुख मनिष थापा, लेखा तर्फ सृष्टि शर्मा, चालक झविन्द्र टण्डन, उत्पादन दुर्गा ज्ञवाली, बजार प्रतिनिधि धन बहादुर रोका र ईमर्जिङ ईम्प्लोईमा तुलसा थापालाई पुरस्कृत गरिएको उनले बताए। ग्रामिण उत्पादनलाई बजारिकरणमा पैचो लामोसमयदेखि योगदान दिएको छ। पहाडी तथा उच्च पहाडी क्षेत्रको सिजनल कृषि उत्पादनलाइ संकलन, प्रशोधन गरि बजारमा लैजान गर्छ। पैचोको रुपन्देहीमा ३, पाल्पामा २, गुल्मीमा ८ वटा गरि १३ वटा शाखाहरु छन। जहाँ गाउमै उत्पादन भएका तरकारीहरुको संकलन र बिक्रिवितरण हुँदै आएको छ।