खोज

बुटवल, १५ पुस ।

निवृत्त राष्ट्रसेवक समाज रुपन्देहीको पाँचौं परिषद बैठक तथा तेस्रो जिल्ला अधिवेशन बुटवल–९ स्थित प्रौढ समाजको सभाहलमा सम्पन्न भएको छ ।

समाजका अध्यक्ष रामचन्द्र पन्थीको अध्यक्षतमा भएको कार्यक्रममा समाजका केन्द्रीय सहअध्यक्ष विष्णुप्रसाद बस्याल, केन्द्रीय उपाध्यक्ष टेकबहादुर थापा, केन्द्रीय सल्लाहकार प्रा. आनन्दमान सिंह शाक्य, जिल्ला सचिव भुपती भुसाललगायतले बोलेका थिए ।

उक्त कार्यक्रममा निवृत्त राष्ट्रसेवकका विभिन्न विधामा भएका क्षमतालाई राज्यले उपयोग गर्न उपयुक्त हुने र राष्ट्रसेवक कर्मचारीहरुले पनि क्रियाशिल जीवन बिताउन लागि पर्नुपर्ने सुझाव दिइएको थियो । सेवा निवृत्त निजामती, शिक्षण, प्राध्यापन, बैंकिङ, प्रहरी, सेना, संस्थान लगायत पेन्सन प्राप्त गर्ने सबै क्षेत्रका कर्मचारीहरुको साझा संगठन भएकोले सदस्यहरुको सक्रिय उपस्थिति रहेको थियो ।

अधिवेशनले हेमबहादुर क्षेत्रीको अध्यक्षतामा ९ सदस्यीय जिल्ला कार्यसमिति, गोविन्द अर्यालको संयोजकत्वम लेखा समिति र प्रदेश र केन्द्रीय प्रतिनिधि छनोट गरिएको थियो । निर्वाचन सम्पन्न गर्नको लागि केन्द्रीय सदस्य टीकाराम भट्टराईको संयोजकत्वमा केन्द्रीय सल्लाहकार तिलकराम पौडेल र डा. रेवतीरमण शर्मा सदस्य रहेको तीन सदस्यीय कमिटी गठन गरिएको थियो ।