© २०२३
८ पुष २०८२, मंगलवार
८ पुष २०८२, मंगलवार
सल्यान, ८ पुस ।
सल्यानको त्रिवेणी गाउँपालिकाका अध्यक्ष खिम बहादुर रावतले आफ्नो जन्मदिनको अवसरमा क्यान्सर तथा मृगौला रोगबाट पीडित दुई जना विपन्न बिरामीलाई आर्थिक सहयोग प्रदान गरेका छन् ।
आर्थिक अवस्था कमजोर भई उपचारमा समस्या भोग्दै आउनु भएकी त्रिवेणी गाउँपालिका वडा नम्बर ४ निवासी क्यान्सर पीडित विमला बोहरालाई अध्यक्ष रावतले १० हजार एक सय रुपैयाँ सहयोग प्रदान गरेका हुन् ।
यस्तै दुवै मृगौला फेल भई उपचाररत त्रिवेणी गाउँपालिका वडा नम्बर ६ निवासी धरमराज बोहरालाई पनि १० हजार एक सय रुपैयाँ आर्थिक सहयोग गरेका हुन् ।
सहयोग रकम प्राप्त गरेपछि विमला बोहराले गाउँपालिका अध्यक्षप्रति आभार व्यक्त गर्दै उपचारका लागि अझै अन्य सहयोगी हातहरूको आवश्यकता रहेको बताए । अध्यक्ष रावतले मानिसहरूले प्रायजसो जन्मदिनमा पार्टी, खानपिन र खर्चिलो कार्यक्रम गरी मनाउने गरेको भए पनि आफूले आफ्नो जन्मदिनको अवसरमा विपन्न र पीडित व्यक्तिहरूलाई सहयोगमा प्राथमिकता दिँदै आएको बताए ।
अध्यक्ष रावतले गत वर्ष पनि आफ्नो जन्मदिनको अवसरमा मानव सेवा आश्रम सुर्खेतलाई आर्थिक सहयोग प्रदान गरेका थिए ।
© २०२३
सर्वाधिकार सुरक्षित
Design & Developed By:
