दोहा (कतार), ५ पुस ।
रोयल नेपाल यूथ एसोसियन (ठकुरी ग्रुप) कतारले आफ्नो स्थापना भएको एक वर्ष पूरा भएको अवसरमा “प्रथम वार्षिकोत्सव, युवा सचेतना तथा विविध सांस्कृतिक कार्यक्रम २०२५” भब्य रूपमा सम्पन्न गरेको छ ।
कतारको सनैयामा अवस्थित फूलबारी रेस्टुरेन्टको सभा हलमा एक कार्यक्रमको आयोजना गर्दै यूथ एसोसियन कतारका अध्यक्ष केशु मल्ल ठकुरीको सभापतित्व तथा गैरआवासीय नेपाली संघ,राष्ट्रिय समन्वय परिषद् कतारका अध्यक्ष कृष्ण पन्थीको प्रमुख आतिथ्यमा कार्यक्रम सम्पन्न भएको हो ।
विधिगत रूपमा कार्यक्रमलाई समुद्घाटन गर्दै वार्षिकोत्सवको अवसरमा केक काटेर अघि बढेको कार्यक्रममा कलाकार रोजिना गुरुङले स्वागत नृत्य पेश गरेकी थिइन । प्रवासमा रहेका नेपाली युवाहरूलाई एकताबद्ध गर्दै सामाजिक चेतना अभिवृद्धि गर्ने उद्देश्यका साथ अभिप्रेरित तथा युवा सचेतना सम्बन्धी अन्तरक्रिया,गर्दै समाजसेवी सागर नेपालले परिवारको सपना बोकेर प्रवास पसेका हरेक नेपाली दाजुभाई तथा दिदीबहिनीहरूले मातृंभुमीको प्रतिको जिम्मेवारी न भुल्न आग्रह गरे
उनले प्रवासको जागिर छ त परिवारको सपना छ,आमाको सपना छ,आमाको सपना पुरा गर्नु हरेक छोराछोरी दायित्व रहेको हुँदा आफूले काम गर्ने कम्पनी र कर्म भूमि कतारको नियम र कानुनलाई सम्मानका साथ पालना गर्न सुझाव दिए । सागरले पछिल्लो समय प्रवासमा रहेका धेरै जना नेपालीहरूले सामाजिक सञ्जाललाई गलत तरिकाले प्रयोग गरिरहेको औँल्याउँदै नकारात्मक सोच र कुलतबाट टाढा रहन सचेत समेत गराए ।
संस्थाका महासचिव रमेश गुरुङले एक बर्षे कार्यकालको प्रगति विवरण सभामा पेस गरेका थिए । संस्थामा आबद्ध रहेका युवाहरूले कतारमा रहेका सामाजिक संघ,संस्थाहरू सगं हातेमालो गरेर समाजको निमित्त अत्यन्तै सकारात्मक कार्यहरू गर्दै आइरहेको विभिन्न सामाजिक वक्ताहरूको भनाई रहेको थियो ।
नेपालबाट सागीतीक प्रस्तुति दिन कतार सम्म आइपुगेका पर्वते युवा गायक, सारेगमा लिल च्याम्प सिजन-१ का फाइनलिस्ट अरुण सुनारले म झुक्दै न झुक्ने नेपालको छोरो गीत गाउँदै स्टेज चढे,उनले ईश्वर तिमी मेरो उपहार हौ,कलिलो तामालाई सोध रामालाई,वारी जमुना पारी जमुना जस्ता आधा दर्जन आफ्ना सांगीतिक प्रस्तुति राखे । सुनारको साथमा लोक तथा दोहोरी गायिका तारा बिसी,रेश्मी सेन्चुरी लगायत अन्य एक दर्जन कलाकारहरूले आफ्नो सांगीतिक प्रस्तुति दिएका थिए ।
कार्यक्रममा गैर आवासीय नेपाली संघ,राष्ट्रिय समन्वय परिषद् कतारका सम्पूर्ण कार्यसमितिका पदाधिकारीहरूलाई सम्मान समेत गरिएको थियो । त्यस्तै फूलबारी रेस्टुरेन्टका सञ्चालक श्याम प्रसाद पौडेल, मध्यान्ह राष्ट्रिय दैनिकका कतार संवाददाता पत्रकार तिलु शर्मा पौडेल,र प्रमुख अतिथि कृष्ण पन्थीलाई संस्थाले दोसल्ला ओढाएर मायाको चिनो सहित सम्मान गरिएको थियो
प्रमुख अतिथि कृष्ण पन्थीले कार्यक्रमलाई सम्बोधन गर्दै रोयल नेपाल यूथ एसोसियनका युवाहरूले कतारमा रहेका नेपाली श्रमिकहरूको हक र हितमा राम्रा काम गर्दै आई रहेको बताए । पन्थीले कतारमा रहेका दुई वटा एनसिसीको कारणले कतारमा स्थापित अन्य संघ संस्था तथा कतारमा रहेका श्रमिकहरूलाई समेत अप्ठ्यारो अवस्था सिर्जना भएकोले अर्को पक्षको एनसिसीलाई एकतामा आउन आग्रह गर्दै आफूले नेतृत्व गरेको एनसिसी कतार एकताको ढोकामा उभिएको बताए ।
कार्यक्रमलाई समापन गर्दै सभापति ठकुरीले कतारमा स्थापित सामाजिक संस्थाहरू सगं समन्वय गरेर नेपाली फिटनेस टिम कतार र ठकुरी ग्रुप मिलेर एकताको सन्देश र परिवर्तनको समाज निर्माण गर्ने विश्वास व्यक्त गरे । उनले हाम्रो सानो प्रयासले समाज परिवर्तनको निमित्त थप सफलता मिल्छ भने युवाहरू हरदम तत्पर र एकाग्रता भएर अगाडी बढ्न आग्रह गरे । कार्यक्रम संयोजक राजेन्द्र मल्ल ठकुरीले स्वागत मन्तव्य रहेको कार्यक्रमको सहजीकरण सुरत शाहीले गरेका थिए।
५ पुष २०८२, शनिबार
