नवलपरासी पश्चिम् ।
आसन्न प्रतिनिधिसभा निर्वाचनका लागि उमेदवारको नाम सिफारिसका लागि काङ्ग्रेस नवलपरासी निर्वाचन क्षेत्र नम्बर १ मा बिवाद भएपछि टुङ्गो लाग्न सकेको छैन ।
नवलपरासी क्षेत्र नम्बर १ बाट बिघटित प्रतिनिधि सभा सदस्य एवम् नेपाली काङ्ग्रेस केन्द्रिय सदस्य बिनोद चौधरी र संविधान सभा सदस्य बिक्रम खनालको नाम प्रस्ताव भएपछि कस्को नाम पठाउने भन्ने बिषयमा बिवाद हुँदा टुङ्गो लाग्न नसकेको क्षेत्र नम्बर १ क का सभापती बेद प्रसाद पौडेलले जानकारी दिए ।
लुम्बिनी प्रदेश बन तथा बाताबरण मन्त्री,महासमिति सदस्य नेता देवकरण प्रसाद कलवारले बिनोद चौधरीको नाम सिफारिस नगर्न अडान लिएपछि केहिबेर बिवाद उत्पन्न भएको काङ्ग्रेस निकट श्रोतको दावी छ ।
यस बिषयमा जानकारी लिदा मन्त्री कलवारले चौधरीको नाम सिफारिस गर्न नहुने र संविधानसभा सदस्य बिक्रम खनालको एकल नाम सिफारिस गर्नु पर्ने बताए ।”बिनोद जिले चुनावताका ३१ बुदे घोषणा पत्र जारी गर्नु भो,अहिले एउटा पनि काम भएन जनताले हामीलाई प्रश्न गर्छन”कलवारले भने ।मैले उतिखेरै भनेको थिए गर्न सक्ने काम मात्रै घोषणापत्रमा लेख्नुस तर” क्या बात कर्ते हो सन्तु,हम सब कर्देङ्गे”चौधरीको भनाईलाई उदृत गर्दै कलवारले भने ।
प्रतिनिधिसभा निर्वाचन क्षेत्रीय कार्यसमितिको मङ्लबार बसेको बैठकले सर्वसम्मत रूपमा कसैको पनि नाम सिफारिस नभएको जनाईएको छ । पछिल्लो घटनाक्रमले काङ्ग्रेस नवलपरासीको राजनीतिक समीकरण परिवर्तन हुने संकेत देखिएको छ ।
२५ मंसिर २०८२, बिहीबार
