© 2026
१४ माघ २०८२, बुधबार
१४ माघ २०८२, बुधबार
बर्दिया, १६ मंसिर ।
पूर्वपतिसँग होमस्टेमा बस्न गएकी एक महिलाको शव नजिकैको जङ्गलमा गाडिएको अवस्थामा फेला परेको छ ।
बाँकेको बैजनाथ गाउँपालिका वडा नम्वर २ पितमारि बस्ने १९ वर्षीय नारायण परियार र उनकी पूर्वपत्नी, खजुरा गाउँपालिका वडा नम्वर ६ सिमलघारीकी २१ वर्षीया देबिसरा खत्री मंसिर ९ गते राति मिनी गाभर होमस्टेमा बसेका थिए ।
तीन दिनसम्म सम्पर्क नभएपछि खोजतलासका क्रममा देबिसराको शव होमस्टे नजिकैको जङ्गलमा गाडिएको अवस्थामा भेटिएको प्रहरीले जनाएको छ । उनको घाँटीमा पासो लागेको जस्तो देखिएको र घटनालाई शंकास्पद मानेर थप अनुसन्धान अघि बढाइएको प्रहरीले जानकारी दिएको छ ।
घटना भएको तीन दिनपछि आरोपी नारायण परियार स्वयं इलाका प्रहरी कार्यालय कोहलपुर पुगेका छन् । उनले घटनासम्बन्धी जानकारी दिएको र सोही आधारमा प्रहरीले विस्तृत अनुसन्धान अघि बढाएको बताइएको छ ।
© 2026
All rights reserved.
Design & Developed By:
