© २०२३
१९ मंसिर २०८२, शुक्रबार
१९ मंसिर २०८२, शुक्रबार
काठमान्डौ, १४ मंसिर ।
विवेकशील साझाका नेता मिलन पाण्डे राष्ट्रिय स्वतन्त्र पार्टी (रास्वपा) सँग हुने एकीकरण प्रक्रियामा सहभागी नहुने भएका छन् । सामाजिक सञ्जालमार्फत पाण्डेले एकीकरणप्रति शुभकामना व्यक्त गर्दै आफू त्यसमा संलग्न नहुने जानकारी गराएका हुन् ।
पाण्डेले लेखेका छन्, “विवेकशील साझा र रास्वपाको एकीकरणमा जुट्नुभएको सबै साथीहरूलाई शुभकामना । म यो एकीकरणमा सामेल छैन ।”
उनले केही समय मौन रहँदै ‘कुलिङ पिरियड’ लिएपछि नयाँ ढंगबाट राजनीतिक यात्रा सुरु गर्ने घोषणा पनि गरेका छन् । उनका अनुसार, “अब केही दिन वा केही महिना ‘कुलिङ पिरियड’ लिन्छु । त्यसपछि नयाँ तरिकाले राजनीतिक यात्रा सुरु गर्नेछु । आजदेखि म पनि ‘स्वतन्त्र’ भएँ, विवेकशील पनि ‘स्वतन्त्र’ भयो ।”
यसै बीच आज दिउँसो २ बजे राष्ट्रिय सभागृहमा रास्वपा र विवेकशील साझा पार्टीबीच एकता घोषणासभा आयोजना गरिएको छ । एकता घोषणासभा अघि नै पाण्डेले आफू एकीकरण प्रक्रियामा सहभागी नहुने स्पष्ट पारेका हुन् ।
© २०२३
सर्वाधिकार सुरक्षित
Design & Developed By:
