© २०२३
१९ मंसिर २०८२, शुक्रबार
१९ मंसिर २०८२, शुक्रबार
काठमान्डौ, १४ मंसिर ।
राष्ट्रिय स्वतन्त्र पार्टी (रास्वपा) ले पार्टीमा एकता प्रक्रियाबाट आउने नेतृत्वलाई व्यवस्थित रूपमा समायोजन गर्न ‘फेडरल लिडरसिप फोरम’ (संघीय नेतृत्व मञ्च) बनाएको छ ।
रास्वपा प्रवक्ता मनिष झाका अनुसार १२ मंसिरमा बसेको पार्टीको भर्चुअल विशेष बैठकबाट उक्त मञ्च गठनको प्रस्ताव सर्वसम्मत रूपमा अनुमोदन गरिएको हो ।
यसअघि असल शासन, समुन्नति र परिवर्तनका एजेण्डासँग सरोकार राख्ने सुसंस्कृत एवं परिवर्तनकामी राजनीतिक शक्तिहरूसँग मुद्दागत र सांगठनिक सहकार्यलाई विस्तार गर्ने उद्देश्यसहित पार्टीको ‘उच्च संवाद समिति’लाई केन्द्रीय समितिले ३ मंसिरमा आवश्यक निर्देशन दिएको थियो । सोही निर्देशनअनुसार पार्टी सचिवालयले संघीय नेतृत्व मञ्च गठनको प्रस्ताव विशेष बैठकमा पेश गरेको थियो ।
रास्वपामा एकता प्रक्रियामार्फत प्रवेश गर्ने नेताहरूको व्यवस्थापन र नेतृत्व संरचनालाई व्यवस्थित बनाउने लक्ष्यसहित ‘फेडरल लिडरसिप फोरम’ स्थापना गरिएको हो ।
यता, आज नै रास्वपा र विवेकशील साझा पार्टीबीच एकीकरण हुँदैछ । राष्ट्रिय सभागृहमा दिउँसो २ बजेका लागि एकता घोषणासभा तय गरिएको छ ।
© २०२३
सर्वाधिकार सुरक्षित
Design & Developed By:
