ट्रेंडिंग:

>> गौतम बुद्ध विमानस्थलबाट दिगो रूपमा अन्तर्राष्ट्रिय उडान हुन्छ : मन्त्री पाण्डे >> चिलिमेका तीन जलविद्युतबाट १६८ मेगावाट बिजुली राष्ट्रिय प्रसारण लाइनमा थपियो >> मगर साहित्य महोत्सव : स्वयम्सेवक परिचालनका लागि छलफल >> क्यान महासंघ रुपन्देहीमा नयाँ नेतृत्व >> पाच दिने वुमन्स क्रिकेट क्याम्प समापन >> रोटरी बुटवलमार्फत ५० हजार रुपैयाको छात्रवृत्ति वितरण >> गैंडाको आक्रमणबाट एकको मृत्यु >> प्रधानमन्त्री ओलीका बुवा अस्पताल भर्ना >> नेपालमा कानून र न्यायको क्षेत्रमा महिला अधिवक्ताहरूका लागि चुनौतीहरू >> नीतिगत र संस्थागत सुधारबिना पुँजीगत खर्च बढाउन कठिन >> विवाह >> फौजदारी मुद्धा लागेकालाई राजनीतिक नियुक्ती >> सुरेशप्रति सम्मान >> कर तिर्ने १६ जना करदाता सम्मानित >> स्कुलमा करेसाबारी सपार्ने सिप >> अमेरिकी खर्बपति एलन मस्कसँग प्रधानमन्त्री ओलीको भर्चुअल संवाद >> मेयर बालेन एमालेविरुद्ध परिचालित : महासचिव पोखरेल >> गरिमा विकास बैंकको १८ औं वार्षिकोत्सवमा बुटवल शाखाले गर्यो रक्तदान >> कर सप्ताहमा ब्याडमिन्टनः घिमिरे र क्षेत्रीको जोडीलाई उपाधि >> कर्णालीमा योजना र विकासलाई नयाँ दृष्टिकोणबाट अघि बढाउँछौ : मुख्यमन्त्री >> निजामती कर्मचारी संगठन रुपन्देही संगठन विस्तार तथा शुद्धिकरण अभियानमा >> विकास र सुशासनका पक्षमा एमाले दृढ छ : प्रधानमन्त्री ओली >> अराजकता र भ्रम चिरेर अगाडि बढ्नुसः लिला गिरी >> जनमतकी सांसद सापकोटालाई हटाउने निवेदन अगाडी नबढाउने सभामुखको निर्णय >> चीन भ्रमण सफल हुन्छ- प्रधानमन्त्री ओली >> यो समीकरण ०८४ को मंसिरसम्मै जान्छ : प्रधानमन्त्री >> विकास र समृद्धिको संकल्प पूरा गर्ने बाटोमा ढुक्कका साथ अघि बढेका छौं- प्रधानमन्त्री ओली >> बर्दियामा मलको हाहाकार >> राष्ट्रपति पौडेलसँग सभामुख घिमिरेको भेटवार्ता >> जागरण सभा एमाले सकियो भन्नेहरुका लागि जवाफ हो- महासचिव पोखरेल >> भैरहवामा राष्ट्रिय कर दिवसको समापन >> बीआरआइ बारे कांग्रेसको स्पष्टोक्ति: अनुदान नै कार्यान्वयन भएका छैनन्, ऋणको कुरा नगरौं >> स्वास्थ्य सेवा ऐन ल्याउन मन्त्रिपरिषदबाट सैद्धान्तिक स्वीकृति >> काठमाडौमा एमालेको जागरण सभा सुरु (लाइभ) >> एमालेलाई दिएको जग्गा दानविरुद्धको रिट ‘हेर्न नभ्याइने’ मा >> अस्ट्रेलिया सामु निरिह भारत, १५० रनमा अलआउट >> छत्तीसगढमा सुरक्षा बलसँगको भिडन्तमा १० नक्सलवादी मारिए >> एमालेको र्याली शुरु, दरबारमार्गमा जागरण सभा हुदै >> लुम्बिनीका मुख्यमन्त्रीसंग स्वीट्जरल्यान्डका राजदुतको भेट, प्राविधिक सहयोगलाई निरन्तरता दिन आग्रह >> बोल्सोनारोविरुद्ध ‘कू’ प्रयासको आरोप >> नेपालको क्रेडिट रेटिङ सन्तोषजनकः अर्थमन्त्री >> फिल्म ‘ह्रस्व दीर्घ’ भारतमा पनि रिलिज गर्छौं, लगानी उठाईसक्यौं- नीता ढुंगाना >> एन्फाले आगामी माघमा बि डिभिजन लिग आयोजना गर्ने >> अस्ट्रेलियाले १६ वर्षमुनिकाले सामाजिक सञ्जाल चलाउन नपाउने कानुन ल्याउँदै >> आज कति छ सुनचाँदीको मुल्य ? >> विद्यार्थीहरुलाई साईकल वितरण >> डन्डाखोलामा १० हजार माछाका भुरा छाडीयो >> विश्व मत्स्य दिवसमा तालमा स्थानीय जातका भुरा >> मणिमुकुन्द उद्यानमा पाँच लाख पर्यटक >> कानुनका विद्यार्थीहरू बिच कालिकामा बहस

निर्माणमा ढिलाई लापरवाहीको पराकाष्ठा

४ पुष २०७९, सोमबार
४ पुष २०७९, सोमबार

दुई महिना अघि निर्माण सम्पन्न भैसक्नुपर्ने पुल समयमै पूरा नहुँदा पश्चिम नवलपरासीका हुलाकी सडकको बाटो प्रयोग गर्ने हजारौं यात्रुलाई सास्ती भएको सुन्दा नेपालको विकासको नियति र अहिलेको वास्तविक अवस्था र यथार्थता प्रष्ट हुन्छ । अधिकांश निर्माण कम्पनीले पूर्वाधार निर्माणका क्षेत्रमा बर्षौंदेखि हेलचेक्राई गर्दै आएको यो त्यसैको एउटा पछिल्लो उदाहरण मात्र हो । निर्माणको काम अलपत्र पार्ने, बीचमै छोड्ने गरेको र त्यसका कारण जनताले सास्ती पाएको घटना धेरैछन् । जनताले समयमै निर्माण सम्पन्न गर्न दवाव दिएपनि जनताको आवाज सुनुवाई हुँदैन । बरु निर्माण कम्पनीलाई पहिलेभन्दा मूल्य बढाएर थप रकम उपलब्ध गराउने गरिएको छ । प्रसंग– पश्चिम नवलपरासीमा निर्माण भैरहेको हुलाकी सडकको हो । यो पुल समयमै पूरा गर्न जनताले निर्माण कम्पनीलाई दवाव दिए तर जनताको आवाजको कुनै सुनुवाई भएन । पुल निर्माण गर्ने ठेकेदार समेत अहिले साईट छोडेर हिंडेको स्थानीयको गुनासो छ । पुल शिलान्यास हुँदा समयभित्रै पुल बन्छ भनेर मन्त्री र साँसदले भाषण गरेको त्यस क्षेत्रका जनताले अझै विर्सिएका छैनन् । तर, समयमै पुल निर्माणको कुरा त परै जाओस अहिले पुल निर्माण कार्य नै रोकिएको छ । यो वास्तवमै निर्माण कम्पनीको गंभीर लापरवाही हो । पुल नहँुदा त्यस क्षेत्रको कुईया, बडगो, घिनहा, पण्डितपुर लगायतका आधा दर्जन बस्तीका जनतालाई समस्या परेको छ । अर्कोतर्फ उक्त बाटो भएर यात्रा गर्ने विरामी र गर्भवती महिलालाई उपचारका लागि लैजान समस्या भैरहेको छ । यो लापरवाहीप्रति सम्वन्धित निकाय मौन रहनु रहस्यमय छ ।

उक्त पुलको ठेक्का लगाएको सडक पूर्वाधार विकास कार्यालय मणिग्राम रुपन्देहीले पुल निर्माणको काम समयमै सम्पन्न गर्न निर्माण कम्पनीलाई दवाव दिनुपर्ने हो । पुलको निर्माण कार्यको जिम्मेवारी एमएस सगुन ओम इन्फ्राटेक जेभी कालिकानगर बुटवल रुपन्देहीले लिएको थियो तर निर्माण कम्पनीले काम सम्पन्न गर्नेतर्फ ध्यान दिनुभन्दा पनि काम नै बन्द गरेको सुन्दा आश्चर्यको विषय छ । निर्माण कम्पनीलाई दवाव दिन नसक्नुका पछि ठूलो चलखेलको आशंका गर्ने गरिन्छ । अर्कोतर्फ निर्माण कम्पनीको ठूलो सञ्जालका कारण सरकारी पक्षले उसलाई दवाव दिनै नसक्ने अवस्था समेत विद्यमान यथार्थ हो । निश्चितरुपमा नेपालको निर्माण क्षेत्रले यस्तै नियति भोगिरहेको छ । निर्माणको काममा लापरवाही गरेर निर्माण पक्षले गंभीर खेलवाड गरिरहेको छ । तर, कामलाई निरन्तरता दिन दवाव दिनेतर्फ सम्वन्धित निकाय मौन रहनु आश्चर्यको विषय हो । निर्माण कम्पनीले समयपनि प्रशस्तै पाएको थियो नै । २०७७ साल बैशाख ३१ गते सम्झौता भई निर्माणको काम सुरु भएकै हो तर दुई बर्ष बढी समयमा पनि निर्माणको काम पूरा गर्नु कता हो कता काम नै छाड्नु लापरवाहीको पराकाष्ठा हो । अर्कोतर्फ स्वीस सरकार विकास सहयोग (एसडिसी) को सहयोगमा वनिरहेको पुल समयमै निर्माण सम्पन्न नहुँदा दातृ निकायले सहयोग गर्ने अरु परियोजनामा ठूलो धक्का लाग्न सक्छ । निर्माण कम्पनीको लापरवाहीकै कारण विदेशी दाताहरुले अरु सहयोगमा विराम लगाउन सक्छन । पुल निर्माण ढिलाईले स्थानीयबासीमा निरासा छाएको छ । त्यतिमात्र होइन त्यस क्षेत्र भएर यात्रा गर्ने जनतालाई ठूलो असुविधा पुगेको छ । सरकारी निकाय मूकदर्शक बनेको छ । सरकारी पक्षले निर्माणमा ढिलासुस्ती गर्ने निर्माण कम्पनीलाई ताकेता गरेर पुल निर्माणको काम अभियानका साथ अघि बढाओस् ।

यो खबर पढेर तपाईलाई कस्तो महसुस भयो ?