खोज

मनु गुरुङ

बुटवल, २ पुस ।

सिद्धेश्वरी लालकुमारी मावि बुटवलको ४१ औं वार्षिकोत्सव तथा अभिभावक दिवस कार्यक्रम सम्पन्न भएको छ ।
बुटवल उप महानगरपालिका वडा न. ७ स्थित दिपनगरमा रहेको श्री सिदेश्वरी लाल कुमारी माध्यमिक विद्यालयले वार्षिकोत्सव मनाएको हो ।

विद्यालय ब्यवस्थापन समितिका अध्यक्ष सागर प्रसाद न्यौपानेको अध्यक्षतामा भएको कार्यक्रममा बोल्दै बुटवल उपममहानगरपालिकाका प्रमुख खेलराज पाण्डेले शिक्षा क्षेत्रलाई सुधार्न बुटवल उपमहानगरपालिका विशेष योजनाका साथ अघि बढेको बताए ।

उनले विद्यालयको शैक्षिक विकासका लागि सबैले हातेमालो गरेर अगाडि बढ्नुपर्ने बताए । उपमहानगर प्रमुख पाण्डेले वार्षिक उत्सवको अवसरमा नवनिर्मित भवनको समेत उदघाटन गरेका थिए ।

कार्यक्रममा सिदेश्वरी लालकुमारी माविका प्रधानाध्यापक दिनानाथ गिरीले वार्षिक प्रतिवेदन प्रस्तुत गर्दै भावी योजना सहित शिक्षक, बिधार्थी र अभिभावकबीच समन्वय गरी अगाडि बढेको जानकारी गराए । उनले विद्यार्थीहरुको व्यावहारिक सिकाईमा जोड दिंदै बालबालिकालाई शैक्षिक कार्यक्रमहरुमा पनि प्रोत्साहन गर्दै आएको बताए ।

कार्यक्रममा बुटवल वडा नं. ७ का वडाअध्यक्ष पदमराज गाहा, बुटवल उपमहानगरपालिकाका पुर्वमेयर शिवराज सुवेदी, उपमहानगरपालिका शिक्षा शाखा प्रमुख मित्रमणि खनाल लगायतको सहभागिता रहेको थियो । कार्यक्रममा विभिन्न विधाका उत्कृष्ट विद्यार्थीहरुलाइ पुरस्कृत तथा सम्मान गरिएको थियो ।