© 2026
३ चैत्र २०८२, मंगलवार
३ चैत्र २०८२, मंगलवार
हेटौँडा, २० असोज ।
बागमती प्रदेशको राजधानी हेटौँडाबाट काठमाडौँ जाने अधिकांश सडक खुला भएका छन् । वर्षा र बाढीका कारण रोकिएका यातायात पुनः सुचारु भएको छ । हाल कान्ति लोकपथ बाहेक सबै प्रमुख सडकमार्ग सञ्चालनमा रहेका छन् ।
मकवानपुर जिल्ला प्रहरी कार्यालयका अनुसार हेटौँडा–भीमफेदी–फाखेल–काठमाडौँ सडक र त्रिभुवन राजपथ बिहानैदेखि खुलेका छन् भने हेटौँडा–भीमफेदी–सिस्नेरी–काठमाडौँ सडकमा दिउँसो १२ बजेदेखि सवारी आवागमन सुरु भएको छ ।
यसअघि मकवानपुरको इन्द्रसरोवर गाउँपालिका–३ डोढारेमा आएको बाढीले सडक असोज १८ देखि बन्द थियो । हाल मर्मतपश्चात् सिस्नेरी मार्ग पनि खुला भई हेटौँडाबाट काठमाडौँसम्म यातायात सुचारु भएको प्रहरीले जनाएको छ ।
प्रहरीले सवारी चाप व्यवस्थापनका लागि काठमाडौँतर्फ जाने गाडीलाई सिस्नेरी–दक्षिणकाली मार्ग, र हेटौँडातर्फ फर्कने गाडीलाई फाखेल–कुलेखानी मार्ग प्रयोग गर्न आग्रह गरेको छ ।
तर कान्ति लोकपथमा चार स्थानमा पहिरो पन्छाउन बाँकी भएकाले यातायात अझै सञ्चालन हुन सकेको छैन ।
यस्तै, हेटौँडाबाट काठमाडौँ जाने नारायणगढ मार्ग पनि खुला भइसकेको प्रहरीले जनाएको छ ।
© 2026
All rights reserved.
Design & Developed By:
