खोज

बुटवल –  बुटवल ११ नहरपुर स्थित नहरपुर माविले ५३ औ बार्षिकौत्सव तथा अभिभावक दिवस भव्यताका मनाएको छ ।
विद्यालय व्यवस्थापन समितिका अध्यक्ष डोरप्रसाद पोख्रेलको अध्यक्षतामा सम्पन्न उक्त कार्यक्रमको प्रमुख अतिथ्यता बुटवल उपमहानगरपालिकाका प्रमुख खेलराज पाण्डेले रहेका थिए । कार्यक्रममा बोल्दै बुटवल उपमहानगरपालिका प्रमुख पाण्डेले नहरपुर माविले यस क्षेत्रको शैक्षिक उन्नयनमा महत्वपूर्ण भुमिका निर्वाह गरेको कुरा उल्लेख गरेका थिए ।

कार्यक्रममा बुटवल उपमहानगरपालिका उप–प्रमुख सावित्रा अर्याल , शिक्षा विकास तथा समन्वय इकाई रुपन्देहीका प्रमुख दिपेन्द्र ढकाल, बुटवल उपमहानगर शिक्षा तथा जनस्वास्थ्य महाशाखा प्रमुख मित्रमणी खनाल, रुपन्देहीस्थित विभिन्न सामुदायिक विद्यालयका प्राचार्यहरुको उपस्थित रहेको थियो । उक्त अवसरमा गरिब तथा जेहेन्दार विद्यार्थीहरुलाइ छात्रवृत्ति तथा शैक्षिक सामाग्रीहरु वितरण गरिएको थियो ।
सो कार्यक्रममा अक्षयकोष दाताहरुलाइ सम्मान गरिएको थियो।विद्यालयका सह–प्राचार्य युवराज पन्थीले स्वागत गरेका थिए । कार्यक्रममा विद्यालयका प्राचार्य धनिश्वर गौतमले बार्षिक एवम आर्थिक प्रतिवेदन पेश गरेका थिए । सो कार्यक्रमको संचालन विद्यालयका शिक्षक बलराम न्यौपानेले गरेका हुन । कार्यक्रममा विद्यालयमा सन्चालित विभिन्न अतिरिक्त क्रियाकलापमा सहभागी विद्यार्थीहरुलाइ सम्मान गरिएको थियो ।