खोज

दाङ, २६ मङ्सिर ।

नेपाल विज्ञान तथा प्रविधिक प्रज्ञा प्रतिष्ठान (नास्ट) को आयोजनामा दाङका पत्रकारहरुका लागि विज्ञान लेखन तालिम सञ्चालन गरिएको छ । पत्रकारले विज्ञानका विषयमा कसरी समाचार लेख्ने विषयमा लेखन सिपको विकास गराउनका लागि तालिमको आयोजना गरिएको आयोजकले जनाएको छ ।

नास्टका उपकुलपति डा. सुनिलबाबु श्रेष्ठको अध्यक्षतामा भएको कार्यक्रममा घोराही उपमहानगरपालिकाका प्रमुख नरुलाल चौधरीले पत्रकारले लेखेको कुराले समाजमा सकारात्मक प्रभाव पार्ने भएका कारण पत्रकारको क्षमता विकास गराउनुपर्नेमा जोड दिनुपर्ने बताए । पत्रकार महासघ दाङका अध्यक्ष दुर्गालाल केसीले पत्रकारले सबै विषयमा ज्ञान लिनु अवस्यक भएको बताए । पत्रकारले सबै विषयवस्तुका बारेमा जानकारी लिनुपर्ने बताए ।

कार्यक्रममा नास्टका उपकुलपति डा. सुनिलबाबु श्रेष्ठले विकासका कुरालाई सबैसामु पुरयाउने काम पत्रकारको हो । त्यसैले पत्रकारको क्षमता विकास गर्ने उद्देश्यले कार्यक्रमको आयोजना गरिएको बताए । कार्यक्रममा विज्ञानको उपयोग र यसलाई कसरी प्रयोग गर्ने, समाचार सम्प्रेषणका विषयमा जानकारी गराइने भएको छ । कार्यक्रमको सहजीकरण वरिष्ठ पत्रकार केदार शर्मा र छत्र कार्कीले गर्नेछन् । दाङका क्रियाशिल २० जना पत्रकारको सहभागिता रहेको छ ।